Vander questien ende gescille(n) uuytstaen(de) inde banck/ voir meye(r) ende scepen(en) van loeven(en) tussche(n) giel(ise)/ van moelebeke t(er) eenre ende m(er)ten(e) h(er)mans cuype(r)/ ja(n)ne van kermpt en(de) willem(me) van kermpt t(er) ande(re)/ aengaen(de) alsulker so(m)men van pe(n)ni(n)gen als de voirs(creven)/ giel(is) van moelebeke den voirs(creven) m(er)ten(e) h(er)mans/ cuype(r) als den gene(n) die d(aer) voe(r) borge bleven/ es soe giel(is) allege(re)n wilt voir de voirs(creven) va(n) kermpt/ eysschen(de) es uuyt saken van zeke(re)n mo(n)theri(n)gen/ vroentcosten ende and(er)ssins hebben hen deselve/ p(ar)tien gesubmittert ende verbonden te weten(e) de/ voirs(creven) giel(is) in b(er)telmeeuse vand(en) velde ende/ willem(me) van leefd(ale) ende dand(er) p(ar)tien in henr(icke)/ van nyvele ende yngelbeerde egnoy den welke(n)
//
de voirs(creven) p(ar)tien vande(n) selve(n) gescillen t(er) stont/ volcomen informatie gheve(n) sullen om d(aer)entinde(n)/ hue(r) eendrechtige uutsprake d(aer)aff te doene bynne(n)/ acht daigen naistcomen(de) op sulke vuege en(de) (con)ditie/ oft de selve vier seggers niet en consten verlijcken/ dat zij in dien gevalle tot hen nemen zulle(n) arnold(e)/ kyp ende henr(icke) hanck(art) secretar(is) als ov(er)ma(n)nen/ ende oft e(n)nig(er) p(ar)tien segge(re)n gebrake dat zij in/ die stadt ande(r) sullen moege(n) nemen Geloven(de) de/ selve p(ar)tie(n) vast gestentich ende van weerd(en) te/ houden ende tacht(er)volgen tgene des bijd(en) selven/ segg(er)s eendrechtichlijc in desen uutgesproken sal/ zijn Voirt hebben geloeft de voirs(creven) jan van/ kermpt ende willem(me) van kermpt den voirs(creven)/ m(er)ten(e) uuyt saken van des(er) costeloes en(de) scadeloes/ te houden(e) ende tontheffen(e) cor(am) beert abs(oloens) dece(m)br(is)/ t(er)cia