Nae dien op heden inde banck voe(r) meye(r) en(de) scep(enen)/ henrick moelema(n) versocht heeft sijn sake die hij/ uuytstaen(de) hadde tegen conrarde le polly nae recht/ geutent te hebben ende zijn wed(er)p(ar)tie v(er)steken/ van hue(re)n rechte ende dat hem zijn conclusie alsoe/ aengewesen soude werdden te voerde(r) want hij/ egheen wed(er)p(ar)tie en hadde alsoe hij seyde ende lanck/ vervolght hadde D(aer)tegen g(er)t de gruyte(re) als voirspreke/ des voirs(creven) conrarts sustineerde al mochte wille(m) van/ lele die de sake als p(ro)cur(eur) desselfs conrarts bedinct/ hadde hem nu d(aer)aff dragen ende alsoe sonder/ wete des voirs(creven) conrarts van zijne(n) rechte v(er)steken soude/ werdden dat tselve alsoe niet sculdich en wae(r) te/ gescieden(e) mair sculdich soude zijn te hebben eenen/ redelijcken dach van viii daigen om zijnd(er) p(ar)tie(n) te/ cundigen ten ynde dat de selve comp(ar)eerde oft/ p(ro)cur(eur) van hue(re)nt wegen om voirts te p(ro)cede(re)n alsoe/ behoe(re)n soude he(m) des gedragen(de) in wersijd(en) van hue(re)n/ voirnemen(en) totten rechte Es gewesen t(er) manissen/ des meyers bijden scepen(en) dat de wed(er)p(ar)tie des voirs(creven)/ henricx eene(n) dach van acht daigen hebben sal om/ selve te comp(ar)e(re)n oft bij p(ro)cur(eur) ende d(aer)entinden te/ gescieden(e) ind(er) saken tusschen he(m) uuytstaen(de) alsoe/ nae recht behoe(re)n sal in scampno dec(embris) vii[a]