Want willem van molle als geleydt nae des(er)/ stadt recht voir zijn wettich gebreck uuyt crachte/ van scepen(en) brieven van loeven(en) tot alle(n) den goeden/ beyde have ende erve rombouts wijlen van molle/ zijns brueders soe wair die gelegen zijn hem met/ eene(n) open(en) br(ieve) van des(er) stadt gescreven aen alle/ officie(re)n alle de selve goede behoirl(ijc) heeft doen leve(re)n/ en(de) den ghene(n) die die houden(de) wae(re)n namelijc ja(n)ne/ vand(en) driessche te corttenaken ende janne stats te/ waenrode dach van rechte alh(ier) te co(m)p(ar)e(re)n inde/ banck voe(r) meye(r) ende scepen(en) van loeven(en) doen/ besceyden oft zij hen d(aer) tegen hadden willen oppone(re)n/ Ald(aer) zij op heden als ten verstreken(en) daige niet/ geco(m)p(ar)eert en zijn noch procur(eur) van hue(r) wegen/ den voirs(creven) geleydd(en) altijt comp(ar)e(re)nde ende trecht/ voirt versueken(de) soe v(er)re dat de scepen(en) van/ loven(en) t(er) maniss(en) smeyers nae dat hen bij resc(ri)pte/ jans vand(er) hagen meyers van waenrode en(de) bij/ rappoirte jans boschma(n) des(er) stadt geswoiren(en) bode/ behoirl(ijc) gebleken heeft tvoirs(creven) exployt gesciet/ te zijne(n) bijd(en) voirs(creven) meye(r) van wae(n)rode en(de) oic/ bijd(en) meye(r) van hale(n) oft zijne(n) stadhoude(r) te corttenake(n)/ gewesen hebben voir een vo(n)nisse wair de/ / wed(er)p(ar)tie des voirs(creven) geleydde(n) niet en co(m)p(ar)eert/ voe(r) den opstaen(en) smeyers ende der scepen(en) datme(n)/ den selven geleydden vand(en) voirs(creven) goeden houden/ soude inde macht van zijne(n) beleyde scepen(en) br(ieven)/ en(de) leveri(n)gen alsoe verre alst noch voir scepen(en) come(n)/ es in scampno januarii xxviii