Want machiel vanden veken(en) als geleydt nae des(er)/ stadt recht voir zijn wettich gebreck uuyt crachte/ van scepen(en) br(ieven) van loeven(en) tot alle(n) den goeden beyde/ have ende erve katlijne(n) za(n)nen wed(uwe) wille(m)s wijlen/ van landen(en) ende henr(ix) van landen(en) huers soens soe/ wair die gelegen zijn hem met brieven van des(er)/ / stadt gescreve(n) aend(en) meye(r) van cumptich oft zijnen stadthoude(r)/ te roesbeke alle de selve goede behoirlijck heeft doen leve(re)n/ ende der wed(uwe) voirs(creven) ende hue(re)n sone dach van rechte/ te comp(ar)e(re)n alh(ier) inde banck voer meye(r) ende scepen(en) van/ loeven(en) doen besceyden oft zij hen d(aer) tegen hadden wille(n)/ oppone(re)n Aldair zij op heden als ten verstreken(en) daige/ van rechte niet gecomp(ar)eert en zijn noch p(ro)cur(eur) van/ hue(re)n wegen den voirs(creven) geleydden comp(ar)erende ende/ trecht voirt versueken(de) soe verre dat de scepen(en)/ van loeven(en) t(er) manissen smeyers nae dat hen behoirl(ijc)/ gebleken heeft bij resc(r)ipte gorijs vander masen stadthoude(r)/ smeyers van cu(m)ptich tvoirs(creven) exploit gesciet te zijne/ gewesen hebben voir een vo(n)nisse Wair de wed(er)p(ar)tie/ des voirs(creven) geleydden niet en comp(ar)eert voe(r) den opstaen(en)/ smeyers ende der scepen(en) datmen den selve(n) geleydde(n)/ vand(en) voirs(creven) goeden houden soude inde macht van/ zijne(n) beleyde scepen(en) br(ieven) ende leveri(n)gen alsoe v(er)re/ alst noch voir scepen(en) comen es in scampno febr(uarii)/ iiii[ta]