Item dese geluefte es geschiet bijden voirs(creven)/ gehuyssche(n) den voirs(creven) cornelijse in voldoeni(n)gen/ ende afflegghi(n)gen van alsulken twee peeters/ erffelijck als gorijs de gouwe(re) ende jacop van/ maelcote zijn swager met scepen(en) brieven van/ loeven(en) den selven cornelijse sculdich was ende/ mits welke(n) gelueften de selve scepen(en) br(ieven) gea(n)nichilleert/ sulle(n) wordden soe de selve p(ar)tien in wersijden dat/ bekint ende geconsenteert hebbe(n) Ende want de voirs(creven)/ gorijs de gouwe(re) den voirs(creven) henr(icke) van ermbeghem/ bekint heeft v(er)cocht te hebben(e) een huys ende hoff/ met seke(re)n lande ende ande(re)n toebehoirten nae inhouden(e)/ der brieven van du(n)berghen d(aer)aff zijnde en(de) de selve/ henr(ic) in myndernissen van dien coepe van desselfs/ gor(ijs) wegen geloeft heeft te betalen(e) den voirs(creven) cornel(ise)/ de voirs(creven) xxx rinsgulden(en) eens Soe hebben geloeft/ de selve gorijs ende jacop zijn swag(er) den voirs(creven) henr(icke)/ van ermbeghem ende zijnd(er) huysvr(ouwe) tselve goet/ doen ende ombelet laten volgen peyslijc ende vredel(ijc)/ van allen beleyden die van gorijs oft zijnd(er) huysvr(ouwe)/ wege(n) opde selve goede slaen(de) soude moegen(e) sijn ende/ oft hem e(n)nich hynder oft letsel in dien aengedae(n) wordde/ uuyt saken va(n) alsulk(er) beleyde he(m) dat altijt af te doen(e) en(de) te/ cuelen(e) aende gheene die alsoe recht oft actie/ / uuyt crachte van beleyde totten selve(n) v(er)cochten/ goeden eysschen(de) soude(n) moegen zijn ende anders niet/ cor(am) eisdem