Want jan carbeel als geleydt nae des(er) stadt recht/ voir zijn recht uuyt crachte van scepen(en) brieven van/ loeven(e) tot allen den goeden beyde have en(de) erve henr(ix)/ lyens en(de) marien slants zijnd(er) huysvr(ouwe) soe wair/ die gelegen zijn hem met brieven van des(er) stadt/ gescr(even) aenden meye(r) van campenhout oft zijne(n) stadhoude(r)/ te ned(er)hockezeele alle de selve goede behoirlijc heeft/ doen leve(re)n ende der voirs(creven) marien en(de) hue(re)n kinde(re)n/ ende oic janne mathijse ende lijsbetthen sbriefs die/ nae d(er) banck(en) recht ald(aer) opde selve goede met co(m)meri(n)g(e)/ ende rasteme(n)te volgen(de) wae(re)n die in meyni(n)gen die/ oft e(n)nige van dien naed(er) selver bancken recht alsoe/ uuyt te wynnen voir e(n)nig(er)hande actie oft eyssche/ die zij totten selve(n) goeden p(re)tende(re)nde wae(re)n te hebben/ soude die selve goede te laten comen in voldoeni(n)gen/ der voirs(creven) wettig(e) gebreken dach van rechte te co(m)p(ar)e(re)n/ alh(ier) inde banc voir meye(r) ende scepen(en) doen besceyden/ oft zij hen d(aer)tegen hadden willen oppone(re)n Ald(aer) zij/ op heden als ten verstreken(en) daige niet gecomp(ar)eert/ en zijn noch procur(eur) van hue(re)n wegen den voirs(creven)/ comp(ar)e(re)nde ende trecht voirt versueken(de) soe v(er)re dat/ de scepen(en) van loeven(e) t(er) maniss(en) smeyers nae dat hen/ behoirl(ijc) gebleken heeft bij rappoirte boud(ewijns) bellens/ des(er) stadt geswoiren(en) bode tvoirs(creven) exploit gesciet/ te zijne gewesen hebben voir een vo(n)nisse Wair/ de wed(er)p(ar)tie des voirs(creven) geleydden niet en co(m)p(ar)eert/ voe(r) den opstaen(en) vand(en) meye(r) ende der scepen(en) datme(n)/ den selven geleydden vanden voirs(creven) goeden houden/ soude inde macht van zijne(n) beleyde scepen(en) br(ieven) ende/ leveri(n)gen alsoe verre alst noch voir scepen(en) comen es/ in scampno februarii xviii