Vander questien gecome(n) inde banck voir meye(r)/ ende scepen(en) ten yersten tussche(n) anthonijse absoloens/ als man ende momboir van jouffr(ouwe) g(er)truyd(e) vand(er)/ lynden zijnd(er) werdynnen t(er) eenre ende willem(me) van/ leefdale als p(ro)cur(eur) he(re)n ende meeste(re)n lodewijcx roela(n)ts/ doctoir in rechten ende raidt ons genad(ichs) he(re)n in/ brabant t(er) and(er) zijden Ald(aer) de voirs(creven) anth(onijs) als geleyt/ totten goeden lod(ewijx) wijle(n) roelants vader des voirs(creven) he(re)n en(de)/ meest(eren) lod(ewijx) ende ande(r) inde selve zijn br(ieven) begrepen(e) voir/ tgebreck van betalingen van alsulken elff goud(en) croone(n)/ goet van goude en(de) swair van gewichte als de selve/ anth(onijs) inden name als voe(r) jairlijcx heffen(de) es opden voirs(creven)/ lod(ewijcke) wijlen roelants ende ande(re)n zijnen medeborghen/ nae inhoudt der scepen(en) br(ieven) d(aer)va(n) wesen(de) bijd(en) selven/ anth(onise) geexhibeert sustine(re)nde t(er) conclusien dat hij van zijne(n)/ verlette in dien vernueght soude werdden nae inhoudt/ zijnd(er) br(ieven) in goud(en) croone(n) oft dat hem de gelev(er)de/ goede desselfs he(re)n ende meeste(re)n lod(ewijx) roelants volgen/ soude(n) om de selve zijn acht(er)stellige pachten ende dat/ van twee jae(re)n lestleden v(er)schenen d(aer)aen te v(er)halen/ Dair tegen de voirs(creven) hee(r) ende meest(er) lod(ewijc) heeft te/ kynne(n) gegeven bij zijne(n) p(ro)cur(eur) voirs(creven) hoe dat hij/ seke(r) pe(n)ni(n)g(en) alh(ier) onder de wet gestelt hadde/ hopen(de) te gestaene aengaen(de) der voirs(creven) rinte(n)[met xxiiii st(uvers) voe(r) de crone] gem(er)ct/ dat de questie voirs(creven) die tussche(n) den selve(n) anth(onise)/ ende hem uutstaen(de) was alleene aenghinc en(de)/ in dien rusten(de) was wes man dair voe(r) bet(alen)/ soude Seggen(de) voirts dat der valuatien ae(n)ginck/ ende dat die materie behoirde voe(r) den raide vand(er)/ stadt oft eld(er)s d(aer) men in dien sculdich wae(re) kynnisse/ te nemen(e) ende nae dien de voirs(creven) sake bijden/ scepen(en) t(er) maniss(en) smeyers gestelt es geweest te weten(e)/ sake ende p(ar)tien in dien voe(r) den raide vander/ stadt hebben de selve p(ar)tien weder [vacat]/ ten ynde voirs(creven) te weten(e) de voirs(creven) anth(onijs) dat hij sculd(ich)/ wae(r) te hebben(e) gouden croone(n) want de voirs(creven)/ / meest(er) lod(ewijc) hem inden jae(re) van xc als de croone/ mair op xxiii(½) stuv(er)s gevalueert en was d(aer)mede/ beg(er)de te gestaen(e) d(aer)af seke(r) t(er)mi(n)acien gewesen wae(re)n/ ten selve(n) tijde als de selve anthonijs te kynne(n) gaff/ inhouden(de) dat de selve anth(onijs) doent(er)tijt d(aer)mede te/ vred(en) wesen moeste meynen(de) oic alsoe want de/ croone alsnu tot hooge(re)n prijse come(n) was dat hem/ insgelijcx in goud(en) croone(n) betalinge gebue(re)n soude/ oft ten mi(n)sten in alsulken valo(r)e weerd(en) en(de) prijse/ van gelde als de selve meest(er) lod(ewijc) ind(er) lest(er) betali(n)ge/ a(n)no xci lestleden gedaen heeft ende opd(en) wissel/ alh(ier) gestelt tot zijne(n) behoeff gelijc tregister vand(en)/ wisselle dat uutwees nae forme(n) van eend(er) celen/ bijden selve(n) anth(onise) geexhibeert Dair tegen de voirs(creven)/ p(ro)cur(eur) sustineerde de (contra)rie Hopende te gestaene met/ xxiiii stuv(er)s voe(r) de croone mu(n)te nutertijt cours hebben(de)/ te voirde(r) want de voirsete(n) des voirs(creven) anthonij soe/ hij seyde in tijde(n) voirleden d(aer)mede te vreden hadde/ geweest te weten(e) met xxiiii stuv(er)s voe(r) de croone/ ten tijde lopen(de) Dair tegen de voirs(creven) anth(onijs) r(e)plice(re)nde/ hoepte neen te voirde(r) als voe(r) want de voirs(creven)/ meest(er) lod(ewijc) de croone doen die xxiii(½) stuv(er)s dede tot/ sijnd(er) baten alsdoen genome(n) hadde ende he(m) betaelt/ met xxiii(½) stuv(er)s voe(r) elken gouden mu(n)ten doentertijt/ cours hebben(de) dat hij hem oic nu geve(n) soude goud(en)/ croene(n) nae inhoudt zijnd(er) br(ieven) oft ten mi(n)sten alsulk(er)/ bet(alinge) doen in alsulk(er) weerd(en) valuatie(n) en(de) prijse den/ pe(n)ni(n)ck nu gerekent als die doen dede(n) ende lestwerff/ gevalueert wae(re)n totter selver lester betalingen tot [en(de)] aend(er)/ tijt toe bijd(en) hee(r) en(de) land(en) naird(er) h(ier)inne soude zijn/ versien ende op tgeens des de voirs(creven) p(ro)cur(eur) seggen/ mochte dat zijn voirsete maer ontfangen en hadde/ xxiiii st(uvers) voe(r) de croene d(aer)aen en stiet hem de voirs(creven)/ anth(onijs) niet mair hoepte als voe(r) dat hem zijn gelufte/ ae(n)gewesen soude werdden mits den reden(en) voirs(creven)
//
Es bijden selve(n) raide hier op int lange p(ar)tie(n) gehoirt/ zijnde ende gelet get(er)mineert ende uuytgesproken/ dat meest(er) lodewijck roelants sculdich zal zijn te betalen(e)/ anthoenijse absoloens de rinte d(aer) questie aff es in/ alsulk(er) betaling(en) prijse ende value(r) van pe(n)ni(n)gen/ als de selve meest(er) lod(ewijc) die lestwerve(n) betaelt heeft/ en(de) doen cours hadden ende dat totter tijt toe and(er)s/ hier op bijden hee(r) ende staten des lants sal zijn v(er)sien/ oft zijn gebreck in dien soe verre hem des niet en/ gebuerde verhalen aende gelev(er)de goede in consilio/ opidi p(rese)ntibus oliviers sub(stitu)[to] baets burg(imagis)[tr(is)] l graven/ boxhoe(re)n vynck zande lesens tybe hoelair naen/ arenberghe et plu(r)ibus aliis febr(uarii) xxii