Item es bevorw(er)t tussche(n) de voirs(creven) p(ar)tie(n) want/ lod(ewijcke) de voeght voirs(creven) ten selve(n) rechte ov(er)heeft/ vand(en) voirs(creven) willem(me) de wynne eene(n) scepen(en) br(ieve)/ van loeven(en) d(aer) mede jan sp(er)maige geloeft heeft/ den selve(n) willem(me) dat hij alsulcken twee rinsgulden(en)/ erffel(ijc) als jan vand(er) rijst becke(r) te p(er)cke heeft op/ twee huyse des voirs(creven) jans sp(er)maige gelegen opde/ biest neve(n) den ouden s(in)[t] jacop ende op tvoirs(creven) huys/ willems de wynne voirs(creven) gelegen inde(n) coute(n)/ aenstoet jairlijcx van t(er)mijne te t(er)mijne als die/ vallen ende verschijne(n) zullen betalen zal alsoe/ in tijts dat den voirs(creven) willem(me) noch zijne(n) goed(en)/ d(aer)aff gheen scade en gebue(re) nae uuytwijsen(en)/ vande(n) selve(n) scepen(en) brieve(n) vand(er) daet xiiii[c] lxxxvi/ xii septe(m)br(is) dat de selve lod(ewijc) ende zij(n) huysvr(ouw)/ sulle(n) blive(n) op huer recht en(de) actie van dien mette(n)/ principale(n) scep(enen) br(ieven) op ja(n)ne sp(er)maige acht(er)volgen(de)/ der voirs(creven) geluefte(n) bij he(m) gelijc voe(r) willem(me) [voirs(creven)] ged(aen)/ en(de) den transpoirte bijd(en) selve(n) willem(me) den selve(n)/ / lod(ewijcke) gedaen ende dat de selve lod(ewijc) de voirs(creven)/ twee rinsg(ulden) erff(lijc) aen ja(n)ne sp(er)maige houden heffe(n)/ en(de) bue(re)n sal soe lange de twee rinsgulden(en) des/ voirs(creven) jans vand(er) rijst bij janne sp(er)maige niet/ affgequijt en wordden Ende oft soe gebuerde dat/ jan sp(er)maige die twee rinsg(ulden) erff(lijc) aen ja(n)ne vand(er)/ rijst namaels afquete dat in dien gevalle de/ voirs(creven) lod(ewijc) zijn twee rinsgulden(en) erff(lijc) nu spreken(de)/ op ja(n)ne sp(er)maige als voe(r) opt voirs(creven) huys ind(en)/ coute(n) aenstoet inde stadt van jans vand(er) rijst/ twee rinsgulden(en) behouden sal voir hem ende/ zijne(n) nacomeli(n)gen en(de) de welke meest(er) b(er)telmeeus/ oft zijn nacomelingen besitters vanden selve(n) huyse(n)/ inden couten aenstoet in dien gevalle den selven/ lod(ewijcke) alsdan sculdich sullen zijn te besetten en(de) te bevestige(n)/ en(de) anders niet Behalven nochtan dat de voirs(creven)/ meest(er) b(er)telmeeus altijt gestaen sal met eend(er) bet(alinge)/ des(er) twee rinsgulden(en) erff(lijc) het zij aen ja(n)ne vand(er)/ rijst soe langhe hem die bij ja(n)ne sp(er)maige niet/ afgequijt en wordden oft aen lod(ewijcke) voirs(creven) als die selve/ twee rinsg(ulden) erff(lijc) alsoe afgequijt souden moege(n) w(er)den/ zijn bijden selve(n) janne sp(er)maige Ende want de/ voirs(creven) lod(ewijc) en(de) zijn werdynne hue(r) actie vand(en)/ voirs(creven) vijff rinsg(ulden) erff(lijc) gelijc voe(r) overgegoedt hebbe(n)/ den voirs(creven) meeste(re)n b(er)tel(meeuse) om ende voe(r) de so(m)me/ van xix rinsgulden(en) en(de) vier stuv(er)s eens soe de/ selve p(ar)tien in w(er)sijden bekint hebben Soe hebbe(n)/ geloeft ende toegeseeght de selve gehuyssche(n) den/ voirs(creven) meest(er)en b(er)tel(meeuse) in alsoe v(er)re men bevonde/ dat zij totter selv(er) actien gheen recht en hadden/ oft dat oic yema(n)t d(aer)toe geleyt mocht zijn bijd(en)/ welken den selve(n) meeste(re)n b(er)tel(meeuse) die actie niet/ volgen en mochte mair hem met rechte/ ontogen wordde dat zij den selve(n) meeste(re)n bertel(meeuse)/ alsdan restitue(re)n sulle(n) de voirs(creven) xix r(ins)g(ulden) ende/ vier stuv(er)s die hij als voe(r) d(aer) voe(r) betaelt heeft/ / ende d(aer)enboven alsulken rep(ar)atie als meest(er) b(er)tel(meeus)/ bynne(n) middele(n) tijde d(aer)aen gedaen sal moege(n) hebbe(n)/ Behalve(n) nochtan dat meest(er) b(er)telmeeus in dien gevalle/ den selve(n) gehuyssche(n) d(aer)aen cortten sal alsulken huere/ als tselve huys jairlijcx hadde moegen gelden en(de)/ dat van alsoe vele tijts als hij dat gehadt sal/ hebben al sonder fraude ende argelist It(em) es oick/ vorweerde oft men bevonde dat wille(m) van schoe(re)/ stellen(de) te toepande de helicht van zijne(n) huyse inde/ ridd(er)strate des doen niet mechtich en was dat te/ doene dat lod(ewijc) d(aer)inne niet beva(n)gen en zal wordd(en)/ dien toepande aengaen(de) niet tegestaen(de) zijnd(er) geluefte(n)/ van genoechdoene al wairt soe dat meest(er) b(er)tel(meeus) totte(n)/ selve(n) toepande niet en conste comen cor(am) eisd(em)