Vand(er) questien gecomen bijden raide vand(er) stadt tusschen/ ja(n)ne boxhoren woenen(de) inde parijsstrate t(er) eende(r) ende/ raes de smet t(er) ande(re) aengaen(de) der hueri(n)g(en) vand(en) huyse/ desselfs jans gelegen inde broeckstrate dwelck de/ selve raes jairlijcx hue(re)nde was xi r(ins)g(ulden) d(aer) van de/ selve raes alnoch tacht(er) was xii rinsg(ulden) xii st(uvers) oft d(aer)/ omtri(n)t verschene(n) zoe van resten vand(en) jae(re) xcii en(de)/ vand(er) selv(er) hue(re)n nu te half m(er)te lestleden verschenen/ versueken(de) de selve jan d(aer)aff betaling(en) en(de) besundert/ dat hem de gheco(m)merde goed(en) bynne(n) sijnen plate(n) wesen(de)/ volg(en) soud(en) op dat hij he(m) gheen betaling(en) en dede ende/ dat de selve raes t(er) stont ruyme(n) soude tselve huys na/ volgen(de) zeke(r) ov(er)comen(en) daer van tusschen hen gebuert/ t(er) p(rese)ntien vand(en) rintmeest(er) van loeven(en) ad(ri)ane verheyl/ wigen nae inhoudt eend(er) cedullen vand(er) daet xiiii/ junii a(n)no xciii dwelc hij niet en hadde wille(n) doen/ hoe wel sijnen t(er)mijn uutginck te halfm(er)te lestled(en)/ Dair op de voirs(creven) raes sustineerde dat hij hem niet/ soe vele sculd(ich) en soud(e) zijn als de voirs(creven) jan seyde/ dwelck nochtans alsoe genoech bevond(en) werdt tselve/ ontslag(en) zijnde dat deselve scult alsoe vele gedroech/ en(de) vand(en) ruymen seyt hij dat buyten tijts was ende/ dat hij d(er) goed(er) luden laken(en) aengenome(n) hadde/ te bleike(n) met meer ande(r) gelijke wordd(en) Bege(re)nde/ alsoe int tselve huys te bliven seggen(de) dat hij den/ voirs(creven) janne soude pijnen te vernuegen van sijnen/ reste Es geseet en(de) uutgesproken bijd(er) selv(er) wet/ dat den [de] voirs(creven) raes den voirs(creven) janne van sijnen/ reste(n) d(er) hueri(n)g(en) voirs(creven) vernuegen soude tusschen/ dit en(de) sat(er)daighe naistcomen(de) en(de) soe verre des niet/ en gebuerde soude deselve jan deselve scult aen/ de goede bynnen zijnen platen wesen(de) v(er)hale(n)/ met rechte ende dat deselve raes tselve huys/ sal sculd(ich) sijn te rumen(e) tusschen dit en(de) sinxen(en) naist(comende)/ sond(er) dat deselve raes e(n)nich genut vand(er) weyen/ / aldair sal hebben behalven h(ier)enbynnen dbleyken vand(er) laken(en)/ alleene ende van dien tijde nae advena(n)t den moet hebbe(n)/ vand(en) selven janne van des hij ald(aer) lang(er) geweest sal moge(n)/ zijn dan sijnen voirs(creven) tijt in cons(ili)[o] opidi ap(ri)lis xvi