Item laureys de molde(re) becke(r) zone wijlen goirts woenen(de) te loeven(en)/ opde vischm(er)ct in p(rese)ncia heeft genomen ende bekint genome(n) te/ hebben(e) tegen meeste(re)n g(er)de van baussele inden name ende als/ procure(ur) zijnd(er) moeder die den selven laureyse bekint uuytgeg(even)/ te hebben(e) de p(or)ceelen van goeden nae bescreven gelegen inde p(ro)chie/ van wynghe opt groot locht(er)velt Ierst een boende(r) lants/ gelegen aende de goede desselfs laureys de molde(re) ter eende(r) de/ goede sgoidshuys van ghempe ter ande(r) zijd(en) en(de) andries/ clouwens ter derder zijd(en) Item noch een dachmael lants/ gelegen op [tselve] tvelt neven de goede m(ijn) vr(ouwe) van merbaix dwelc/ de voirs(creven) laureys oick tegen huer te pachte genome(n) heeft/ ter eende(r) ende de goede pet(er)s de welde ter ande(re) Te houde(n)/ te hebben te wynnen en(de) te werve(n) van nu voirtane voir hen/ ende zijnen nacomelingen alsoe langhe alst den selve(n) laur(eyse)/ en(de) zijne(n) nacomeling(en) gelieven sal jairlijcx d(aer)enbynnen/ om en(de) voir vierthien stuv(er)s alle sint andriesmisse te betalen(e)/ ende te loeven(en) te leve(re)n den voirs(creven) meest(er) g(er)de inde(n) name/ als voe(r) quol(ibe)t ass(ecutu)m dair af dyerste betalinghe geschiede(n)/ sal ende gedaen wordde(n) s(in)t andriesmisse a(n)no vive(n)negentich/ Met vorweerden dat de voirs(creven) laur(eys) dese goede hebben ende/ gebruycken sal los ende vrij van chijsen ende van kue(re)n Item/ es vorweerde soe wa(n)nier de(n) voirs(creven) laureys oft zijn nacomel(ingen)/ dese goede souden willen laten liggen dat zij alsdan vanden/ / lesten t(er)mijne dan gevallen zijnde betalen zullen dobbelen pacht/ te weten(e) xxviii stuv(er)s ende dat laur(eys) dese wynnen(de) lande/ wynnen ende werven sal gelijc regenoeten bove(n) en(de) beneden/ ende alle dese vorweerd(en) (et)c(etera) cor(am) abs(oloens) cav(er)chon ap(ri)lis/ xxi