Item de voirs(creven) guedinge der voirs(creven) goede(n) es gesciet/ den voirs(creven) denijse ende zijnd(er) zust(er) op sulcke vueghe/ vorweerde ende (con)ditie dat zij allessins tot hue(re)n laste/ nemen cuele(n) ende afdoen zullen aen ja(n)ne de ray/ make(re) pelsmake(r) ende zijnd(er) huysvr(ouwe) alsulken onder/ halven rijder lijftochte(n) als willem wijlen vanden/ goedenhuys vader als hij leefde der voirs(creven) beatrice(n)/ en(de) lijsbetthe(n) voirmaels bekint heeft met ande(re)n/ zijne(n) medeborgen met scepen(en) brieven van loven(e)/ der huysvr(ouwe) desselfs jans de rademake(r) metgaders/ den acht(er)stellen d(aer)aff verschenen en(de) costen d(aer) op/ gedaen ende soe vele doen dat den selve(n) scepen(en)/ brieff ende dbeleyt d(aer) uuyt gespruyt gea(n)nichelert/ ende te nyeute gedaen zal wordden gelijck de/ voirs(creven) denijs dat alsoe gelooft heeft wan welken/ i(½) rijd(er) ende den acht(er)stellen d(aer)aff verschenen ende/ oic vanden coste(n) vanden beleyde de voirs(creven) peeter/ v(er)beecke zijn huysvr(ouwe) ende lijsbeth huer zuster/ alsnu soe zij seyden compositie gemaict metten/ voirs(creven) janne de rademake(re) alse dat zij hem inde/ stadt van dien bekynnen souden jairlijcx eenen/ rinsgulden(en) erffelijck te quijte(n) met xviii r(ins)gulden(en)/ oft hem voe(r) den selve(n) r(ins) gulden(en) erffel(ijck) dese voirs(creven)/ goede ov(er)goeden Welcke jan den voirs(creven) denijse/ vanden selve(n) goeden de guedinge heeft laten/ ontfaen soe de selve denijs seyde op alsoe dat/ hij hem inde stadt van dien den selven rinsgul(den)/ erff(elijck) verborgen sal soe de selve denijs dat oick/ geloeft heeft te doene cor(am) eisd(em)