It(em) den dach van rechte op ghiste(re)n dienen(de) en(de) bij (con)tinuatien/ op morgen dienen(de) inde banck voir meye(r) ende scepen(en)/ van loeven(en) tusschen jonche(re)n anthoenise van houthem ter/ eenre ende willem(me) van hove briede(r) ter ande(r) zijden/ hebben deselve p(ar)tien gecontinueert ende uutgestelt tot van/ morghen ov(er) xiiii nachten naistcomen(de) te mistijde om alsdan/ te dienen gelijc dien op morghen dienen soude En(de)/ de voirs(creven) anthoenis heeft voirt geloeft den voirs(creven) willem(me)/ te dien dage te bringen goede loffelijcke onderpande/ gelegen te houthem die hij alsdan voir scepen(en) van loven(en)/ veroblige(re)n zal voe(r) die drie mudden corens erfpachts/ d(aer)aff de questie tusschen hen es werdt zijnde boven allen/ co(m)mer dairvoe(re)n uutgaende zesse gelijcke mudden/ corens erfpachts Welke weerde hij anthoenis sal doen/ verifice(re)n bij scepen(en) van houthe(m) oft behoirlijck(er) c(er)tificatien/ vand(er) zelv(er) wet boven den co(m)mer dairuut gaende/ soe vele werdt te zijne Geloven(de) oic de selve jonch(e)r/ anthoenis alsdan te betalen den voirs(creven) willem(me) xxxvi/ stuv(er)s die hem noch comen vanden costen die zij tsame(n)/ op heden afge(re)kent hebben tamq(uam) ass(ecutu)m cor(am) kersmake(re)/ zande maii ix[a]