It(em) dierick de dobbele(re) van le(n)nicke s(in)[te] qui(n)tens/ in p(rese)ntia heeft gekint ende gelijdt dat hij/ uuyt saken van zeke(re)n voirw(er)den en(de) pechting(en)/ voirmaels aengegaen vand(en) hove en(de) goed(en)/ he(re)n machiels absoloens ridd(er)s en(de) m(ijn) vr(ouwe) zijnd(er)/ w(er)dynnen gelegen te le(n)nicke voirs(creven) geheeten/ thooff ten broeke dair aff alnoch gheen vestich(eit)/ voir wet tusschen hen geciet en zijn sculd(ich) [es] te/ houden(e) tselve hoff en(de) de goede van inneganc/ meye lestleden noch eenen t(er)mijn van v seven/ jae(re)n v(er)volgen(de) elcx jairs d(aer)enbynnen om ende/ voe(r) lx(½) mudden corens bruessels alsulx talle(n)/ t(er)mijnen ende plaetsen te leve(re)n en(de) voirt op/ alle de ande(r) vorw(er)d(en) die goede te houden(e) gelijc/ en(de) ind(er) maten eenen bruess(elschen) brieff vand(er) pechti(n)g(en)/ d(er) selv(er) goed(en) gepass(er)[t] a(n)no lxii ulti(m)a januarii/ / tusschen meeste(re)n ambrosio van dynte(re) raid en(de) meest(er)/ vand(er) came(re)n vand(er) rekeni(n)g(en) ons gened(ichs) he(re)n ts(er)toghe(n)/ van burgun(dien) van brabant te bruess(el) in deen zijde/ en(de) janne de bart in dande(re) behalven den vera(n)/ dering(en) h(ier) inne begrepen dat naird(er) int langhe/ uutwijst Item es vorw(er)de dat den voirs(creven) diericke(n)/ volgen sullen inde stadt vand(er) lichting(en) va(n) des(er)/ pechti(n)g(en) te weten(e) van eene(n) zist(er) op elc boender/ volgen sullen alle de buyten lande h(ier)nae bescr(even)/ die laur(eys) vand(er) roest to zijnen affsceiden de(n) voirs(creven)/ diericke gelaten heeft Ierst op crayenvelt iii(½)/ dach(mael) met t(ar)wen rogge en(de) coren(en) besayt It(em) een/ boend(er) lants geheeten dbloc te coude borre met/ eend(er) voe(re)n It(em) iii[e] cleyne blocxkens geheete(n) te/ coudenborre al geheel It(em) opt tsijpvelt iii(½) dach(mael)/ lants met eend(er) voe(re)n de welke deselve wy(n)ne/ tsijnen afsceiden(en) voirs(creven) alsoe sal moten late(n) It(em)/ sal de voirs(creven) wynne de goede vand(en) voirs(creven) hove/ zijnen t(er)mijn due(re)nde houden wynnen werven en(de)/ meesten wel en(de) loffelijck den wynt(er)art op vie(r)/ getideghe voe(re)n den som(er)art op twee en(de) de brake/ op eene voe(r) en(de) die laten soe h(ier)nae volght Ierst/ opt looveldeken twee stucken d(aer)aff toebeh(oerende) dee(n)/ stucke den armen van le(n)nicke een boend(er) d(aer) stae(nde)/ aen twee boome met tijdig(e) gheerd(en) twee popel/ bomen tegen tsijpvelt drie poten niet v(er)maict/ al open It(em) een boend(er) aende strate d(aer)me(n) te halle/ w(er)t gaet op pisborrevelt It(em) opt huttevelt (½)/ boend(er) en(de) tijdige g(er)den It(em) opt lange velt (½) boender/ It(em) opt he(m)meken i boend(er) in twee stucken It(em) opte(n)/ hutselle(n)berch (½) boend(er) It(em) opt he(m)meken een boend(er)/ It(em) opten hutselle(n)berch noch drie dach(mael) lants Item/ opten selven aent doreke(n) d(aer) den wech doe(r) ghaet/ een dach(mael) It(em) aen tsiech(uys) te goycke drie dach(mael)/ It(em) aent selve siech(uys) al vaste i(½) dach(mael) It(em) thie(n) dach(mael)/ / de witte jouff(rouw) te bruess(el) It(em) opten diericx putte/ iii(½) dach(mael) in twee stucken It(em) noch opte(n) selven/ putte neven de valucoute(r) (½) boend(er) It(em) opten/ selven diericx putte bijde siech(uyse) te le(n)nicke een/ dach(mael) al brake It(em) opde heyde i boender niet/ v(er)maict It(em) de came(n) vijf dach(mael) niet vermaict drie/ boome(n) tijdige g(er)den d(aer) aen staen(de) It(em) opt sijpvelt/ ii boend(er) en(de) lxxii roeden in twee stucken It(em)/ acht(er) thoff ten broeke xiii dach(mael) It(em) te ha(m)me/ iii dach(mael) xxviii roeden al met even(en) besayt/ It(em) opt h(er)dinckblock vijff boend(er) It(em) opt crayen/ velt i(½) dach(mael) It(em) opt selve velt een boender/ It(em) aen tsteenken opt selve velt een dach(mael) It(em)/ dblock te coudenborre v dach(mael) al rogge It(em)/ es vorw(er)de dat de wynne voirs(creven) tzijnen/ afsceyden troggen lant sal moten gemest/ hebben met allen den meste dat int hoff zijn/ sal op zijn leste drie jae(re)n It(m) es vorwerde/ dat de wynne de weyde vand(en) hove soe hij/ die nu heeft sal blive(n) houden(e) zijne(n) t(er)mijn uuyt/ due(re)nde jairl(ijx) om en(de) voe(r) xxv gulden(en) te xx/ st(uvers) tstuck en(de) xl pl(a)c(ken) jairl(ijx) s(in)[te] m(er)tensmisse te/ betalen(e) Met vorw(er)d(en) dat hij die beempden/ bog(ar)d(en) en(de) eeuss(elen) tzijnen afsceyden(en) loffelijck/ bevreedt begrecht betuynt en(de) geloken laten/ sal soe wel aen de oude als de nyeuwe en(de)/ jairl(ijx) de grechten en(de) wat(er)leyden ruymen zijne(n)/ t(er)mijn due(re)nde en(de) oic houd(en) de straten beken/ bruggen navolgen(de) den gebode vand(en) hee(re) sond(er)/ m(ijn) he(re)n last It(em) sal oic deselve wynne jairl(ijx)/ int voirs(creven) hoff moten leve(re)n vi[c] walms om/ opde huysen ald(aer) mede te decken(e) en(de) alsmen die/verdeect verdect oft and(er)ss(ins) d(aer) plect oft dect/ van ouden werke d(aer)af sal de wynne den/ werclieden den montcost geven en(de) leve(re)n d(aer)toe// theenen dacroeden leem vitselroed(en) en(de) m(ijn) hee(re)/ de dachhue(re)n bet(alen) Behalve(n) vand(er) ond(er)st(er) rikele(n)/ ned(er)w(er)t sal de wynne die ond(er)houd(en) in r(e)p(ar)atie(n)/ sond(er) m(ijn) he(re)n cost It(em) sal de wynne alleene hebbe(n)/ doeft vand(en) g(r)[o]ten bog(ar)de en(de) d(aer) voe(r) m(ijn) hee(re) jairl(ijx)/ moten geven een mudde t(er)wen bruessels te leve(re)n/ gelijc m(ijn) hee(re)n ande(r) pachten Ende de wynne sal/ in afslage van zijnen pachte betalen de buyte(n)/ pachten alsoe dat m(ijn) hee(re) d(aer) gheen scade van en/ hebbe Ende alsoe alle dese vorw(er)de (et)c(etera) hebbe(n)/ de wynne t(er) eend(er) en(de) h(er) machiel t(er) ande(re) cor(am) vynck/ zande maii xxii