It(em) de voirs(creven) jan de scrij(n)make(re) ende joha(n)ne tsh(er)toghen/ sijn huysvr(ouwe) in p(rese)ntia hebben ghehuert en(de) bekint/ gehuert te hebben(e) teghe(n) ja(n)ne van bolloe van/ werchte(r) die hen also bekint heeft verhuert te/ hebben(e) sijn huys en(de) hooff metten toebehoirten/ also dat gelegen es te werchte(r) op tremeloe ende/ noch een stucxken beempts dair bij gelegen Te houde(n)/ te hebben en(de) te gebruyken van halfm(er)te lestlede(n)/ eene(n) t(er)mijn van zesse jae(re)n lanck due(re)nde deen/ nae dander zonder middel vervolgen(de) elcx jairs/ dae(re)nbinne(n) te weten(e) tvoirs(creven) huys metten hove om/ en(de) voe(r) vijff hollansgulden(en) jairlijcx te halfm(er)te/ te betalen(e) den t(er)mijn due(re)nde ende tvoirs(creven) stucx/ ken beempts jairlijcx om ende voe(r) dertich stuv(er)s ende/ eene(n) keese sinte m(er)tensmisse te betalen quol(ibe)t ass(ecutu)[m]/ It(em) es vorw(er)de dat de voirs(creven) gehuysschen tvoirs(creven) huys/ den t(er)mijn due(re)nde wel ende loffelijck geplect selen/ houden tot hue(re)n coste zond(er) jans van bolloe cost oft/ last ende oft jan van bolloe tselve huys binnen/ middele(n) tijde niet en decte soe sullen de gehuyssche(n)/ aende hue(r) van halfm(er)te en(de) de gehuyssche(n) sulle(n)/ dat oick v(er)maken tot hue(re)n laste ende de voirs(creven)/ / stucxken beempts sulle(n) de gehuyssche(n) sculd(ich) zijn te/ vermaken soe zij dair vrede aff hebben willen ende/ oick den wat(er)loop ruymen zonder cost oft last desselfs/ jans van bolloe cor(am) eisdem