Want ambrosius vanden dale die uyt cracht van scep(enen)/ brieve(n) van loven(e) over lanck gepasseert heeft en(de) houden(de)/ es de hellicht van thien gouden pe(n)ni(n)gen geheeten rijders/ der mu(n)te wijle(n) h(er)toge(n) ph(ilip)s h(er)toge van bourg(oig)[ne(n)] van brab(ant)/ erfchijs en(de) rinte(n) vallen(de) jairlijcx half te kersmisse ende/ half s(in)t jansmisse aen ende op zeke(r) goede en(de) pande h(ier)/ nae bescr(even) Te weten(e) ierst aen en(de) op vier boende(re)n beempts/ gelegen in de prochie van holsbeke tussche(n) de strate geheete(n)/ quadestrate ende den wech aldair Item aen ende op een/ stuck beempts houden(de) sesse dach(mael) gelegen inde prochie/ / voirscr(even) tusschen de goede des goidsh(uys) van vlierbeke ende de/ goede jans de custe(re) Item aen ende op zesse dach(mael) beempts geh(eten)/ den kerchof eeussel gelegen inde voirs(creven) prochie tusschen de goede/ jouffr(ouwe) katlijne(n) en(de) dbosch geheete(n) vynckbosch/ hem met br(ieven) van des(er) stadt gesc(reven) aen den meye(r) van libbeke/ oft zijne(n) stadhoude(r) Alle de selve goede en(de) onderpande met/ haeflijck(er) goed(en) d(aer)op wesen(de) den gerechten prop(ri)etar(is) der zelver/ toebehoiren(de) behoirlijck heeft doen leve(re)n ende anthonijse/ van wynghe dach van rechte alh(ier) te comp(ar)e(re)n inde banck voir/ meye(r) ende scepen(en) van loeven(e) doen bescheiden oft hij hem/ dair tegen hadde wille(n) oppone(re)n Aldair hij op heden als/ ten verstreken(en) daige niet comp(ar)eert en es de voirs(creven) ambrosius/ comp(ar)e(re)nde ende trecht voirt versueken(de) soe verre dat/ de scepen(en) van loeven(e) ter manissen smeyers nae dat hem/ behoirlijck gebleken heeft bij r(e)sc(ri)pte des voirs(creven) anth(onise) van/ wynghe als meye(r) van libbeke voirs(creven) tvoirs(creven) exploit/ behoirlijck geschiet te zijne gewesen hebbe(n) voir een/ vo(n)nisse Wair de wederp(ar)tie des voirs(creven) ambrosius niet en/ comp(ar)eert voir den opstaen smeyers en(de) der scepen(en) datme(n)/ den selve(n) ambr(osius) houde(n) soude inde macht van zijne(n) scep(enen)/ br(ieven) ende leveri(n)ge alzoe verre alst noch voir scepen(en)/ comen es in scampno junii xix