Want joh(ann)es heyms die nae des(er) stadt recht voir/ sijn wettich gebreck uuyt crachte van scepen(en) brieven/ van loeven(en) comen en(de) geleydt es tot allen den goed(en)/ beyde have en(de) erve willems doffus zoe wair die/ gelegen zijn hem met brieven van des(er) stadt gescreve(n)/ aen alle(n) officie(re)n alle deselve goede behoirlijc heeft/ doen leve(re)n ende den voirs(creven) will(em)me dach van rechte/ alh(ier) te comp(ar)e(re)n inde banck voir meye(r) en(de) scepen(en)/ van loeven(en) doen besceyden oft hij hem dair tegen/ hadde willen oppone(re)n Ald(aer) hij op heden als ten/ verstreken(en) daige nyet geco(m)p(ar)eert en es noch p(ro)cur(eur)/ van sijne(n) wegen ende ja(n)ne vand(er) hulst als p(ro)cur(eur)/ joh(ann)es heyms voirs(creven) co(m)p(ar)e(re)nde ende trecht voirt/ versueken(de) soe verre de scepen(en) van lov(en)/ t(er) maniss(en) smeyers nae dat hen bij rapporte/ jans driedoens bode van des(er) stadt tvoirs(creven) exploit/ behoirl(ijc) gesciet te zijne bijd(en) meyers van p(er)wez/ oft zijne(n) stadhoude(r) te rosie(re)s en(de) bijd(en) meye(r) van/ gest a geropont vo(n)nislijc gewijst hebben wair/ de wed(er)p(ar)tie des voirs(creven) geleydden niet en co(m)p(ar)eerde/ voe(r) den opstaene smeyers en(de) der scepen(en) datmen/ den selve(n) geleydden vanden voirs(creven) goeden houden/ soude inde macht van zijne(n) beleyde scepen(en) br(ieven)/ en(de) leveri(n)gen alsoe verre alst noch voir scepen(en)/ comen es in scampno aug(usti) xiii