It(em) arndt hanckart die als geleydt nae des(er) stadt/ recht totten goeden have ende erve jehan wijlen/ francke ende baudewijns ende symoens francke/ zijnd(er) kinde(re)n hem metten meye(r) van mont s(in)t wibert/ alle de selve goede onder hem gelegen en(de) bezund(er)t/ de vruchten opde selve goede nu t(er) tijt wesen(de) behoirlijk/ heeft doen leve(re)n ende den selven baudewijne en(de)/ symoen(e) ende hue(re)n wynne geheeten symon ricault/ dach van rechte doen besceyden ter eenre en(de) de/ selve symon ricault ter ande(r) zijden sijn met/ malcande(re)n ov(er)comen en(de) eensworden aengaen(de) den/ vruchten opde voirs(creven) goede nu tertijt wesen(de) der/ poenten en(de) vorweerden nabescreven die zij/ malcande(re)n geloeft hebben tachtervolgen(e) ende te/ voldoene Te weten(e) dat de voirs(creven) symon de/ wynne alle de voirs(creven) vruchten geheelijck inne/ doen sal dairaff hij deen hellicht voe(r) zijn/ wy(n)ni(n)ge hebben en(de) behouden zal en(de) dat hij/ dander hellicht van dien den voirs(creven) arnde/ hanckart als dairtoe geleydt zijnde sal laten/ volgen om sijn wettige gebreken d(aer)aen te v(er)halen/ Behalven dat de selve symoen de wynne/ sculdich zal zijn ende geloeft heeft tallen/ tijden als hij des vanden voirs(creven) arnde hanckart
//
vermaent zal worden zijnen behoirlijcken eedt te/ doene hetzij metten meye(r) vand(er) plaetss(en) aldaer/ oft alhier te loeven(e) soe vele hij dier vruchte(n) hoedanich/ die zijn ende elcx getal van dien inne gedaen/ zal hebben om den voirs(creven) arnde deen hellicht/ van allen dien te hebben(e) ende voe(r) tvoldoen/ vand(er) zijden des voirs(creven) symoens ricault heeft/ geloeft ende verantwerdt als principael/ jan laureys behouwede sone des voirs(creven) symoens/ den welken de selve symoens hieraff geloeft heeft/ costeloes en(de) scadeloes te houden ende tontheffen/ cor(am) graven aelst julii decima