Want jan van colen als procur(eur) m(ar)grieten ouderogs weduwe/ rombouts wijlen willemans welke weduwe uut crachte/ van scepen(en) brieven van loeven(e) ov(er)lang gepasseert heeft en(de)/ heffende is drie mudden rocx goets ende paiabels der/ maten van loeven(e) erfpachts aen ende op alle ende/ yegewelke de omberuerlijcke ende erfgoede goessens/ wijlen ouderogge gelegen inde p(ro)chie van rode bij cortelke/ in huysingen hoven wynnen(de) landen beempden eeusselen/ wijng(ar)den en(de) allen hue(re)n ande(re)n toebehoirten gelijkerwijs/ de voirs(creven) goessen deselve goede aldair te houden plach/ hem met brieven van des(er) stadt gescreven aand(e) meye(r)/ van sinte pet(er)srode oft zijne(n) stadhoude(r) alle de selve/ goede ende onderpande metten haeffelijcken en(de) ge(re)den/ goeden dair inne ende op wesende soe verre die den/ gerechtigen proprietar(is) der zelv(er) toebehoe(re)n behoirlijck/ heeft doen leve(re)n en(de) aelbrechte tants en(de) zijnen/ wynne die die houdende wae(re)n dach van rechte/ alhier te compare(re)n inde banck voir meye(r) en(de) scepen(en)/ van loeven(e) doen bescheyden oft zij hen d(aer)tegen hadden/ willen oppone(re)n Aldair zij niet gecomp(ar)eert en zijn/ noch nyemant van hue(re)n wegen soe hebben scepen(en)/ van loeven(e) t(er) manissen smeyers nae dat hen behoirlijck/ heeft gebleken bij resc(ri)pte pet(er)s verstraten meye(r) van/ sinte pet(er)srode voirs(creven) tvoirs(creven) exploit behoirlijck gesciet/ te zijne vonneslijck gewijst hebben wair de wed(er)/ p(ar)tie des voirs(creven) jans van colen inde(n) name als voe(r)/ niet en comp(ar)eerde voe(r) den opstaen(en) smeyers en(de) der/ scepen(en) datme(n) den selve(n) ja(n)ne inde(n) name voirs(creven) houde(n)/ soude inde macht van zijne(n) scepen(en) brieve(n) ende/ lever(in)gen also v(er)re alst noch voir scepen(en) come(n) is in sca(m)pno aug(usti) vii