Vanden aenspraken die adriaen rogge gedaen heeft/ op derfgenamen machiels van potsuynsb(er)ge d(aer)tegen/ compareerde willem van leefdale als hue(r) procur(eur)/ aengaen(de) zijnen gevallen(en) rinten van zesse rinsguld(en)/ ende vijff stuv(er)s die hem in deylingen bleven wae(re)n/ tegen zijn brueders ende zuster uuten xxv rinsguld(en)/ erffelyck die den selven kinde(re)n toebehoe(re)n opde/ huyse ende goeden der zelv(er) van potsuynsb(er)gen/ gelegen inde steenstrate tegen tgasthuys ov(er) welke(n)/ zesse rinsgulden(en) ende vijff stuv(er)s metten costen/ van rechte van dagen(e) ende panden(e) dairop/ geloepen hij versocht hem aengewesen te wordden(e)/ aende gesette pande oft pe(n)ni(n)gen d(aer)mede de selve/ van potsuynbergen hadde doen scutten en(de) stille/ staen zijn rechtvorderi(n)ge(n) hopende dat dat alsoe/ behoirde Dairtegen de selve willem procur(eur)/ verantwerden(de) bekinde genoech tverloep vand(en)/ rinten ende was te vreden die te late(n) betalen/ mair met enige costen dairinne geloepen/ want hij seyde dat die onbehoirlijck ende/ buten formen van rechte wae(re)n gebuert gem(er)ct/ datmen voir egheen gespleten rinte(n) volgen/ en mochte ende souden derfgenamen vand(en)/ geheelder rinten van xxv rinsgulden(e) hebben/ moten constitue(re)n ende soe voir tgeheele(n) doen
//
volgen met naer ande(re)n reden(en) luttel in rechte/ dienende de welke de voirs(creven) adriaen met diversen/ reden(en) wederleydt soe verre dat de scepen(en) va(n) loeven(e)/ ind(er) saken gemaent gewijst hebben met vonnesse dat/ den voirs(creven) adriaene zijnen eysch ende(n) conclusie volgen/ zal in scampno cor(am) om(n)ibus scabinis dempto/ aelst julii decima