Allen den ghenen doen condt dat jacop van muysen(en)/ heeft getransporteert ende gemechticht ende in/ handen gesedt berbelen zijnd(er) zuster weduwe/ willems wijlen van b(er)lair alsulken vie(re)ndeel wijng(art)s
//
als hij heeft liggende opden vogelsanck ende een stuc/ lants van drie dachmalen alse hij heeft liggen(de) te/ wav(er) dwelc hem nu ghelt i(½) mudde core(n)s erflic/ in die goede voirtaene te houden te hante(re)n te/ gebruycken de bate pachten ende profijten d(air)aff/ comende te trecken te heffen te bue(re)n en(de) tontfangen/ soe lange zij daeraen inne gehaven zal hebben alsulke(n)/ xii rinsgulden(en) eens als hij huer van geleend(en) ende/ verleeghden pe(n)n(in)gen sculdich ende deughdelijck belanc/ is soe hij bekint ende die schult betaelt zijnde/ met allen costen dairop loepende sal jacop weder/ dairaen zijn hande slaen promitt(ens) rat(um) absq(ue)/ calculo e(m)mer tot dat zij gelijc voe(r) vernueght/ zal zijn cor(am) baets tybe julii xv