It(em) her willem van beke prieste(r) als procur(eur) franchois de/ gentilles met behoirlijcker p(ro)cu(r)atien die hij exhibeerde/ voer de wet alhier gepasseert inde stadt van mechele(n)/ heeft gekindt gehaven te hebben(e) uut handen gerardi de/ thymo alsulken dertich stuv(er)s als machiel helmich al(ia)s/ van doirne als procur(eur) en(de) rintmeester der capellanen/ van sinte pet(er)s te loeven(e) vand(er) zelv(er) capellanen/ wegen iiii[ta] junii lestleden sette(n) onder scepen(en) van/ loeven(e) tot behoeff henricx puelincx woenen(de) ts(in)t/ truyden in voldoeni(n)gen van alsulken rinten van/ dertich stuv(er)s als hem viele in maio lestled(en) oft d(aer)/ omtrint op huys en(de) hoff metten toebeh(oirten) geheeten/ de tessche der selv(er) capellanen gelegen inde dorpstrate/ op den hoeck vanden rechten keyberghe ende dit/ uut crachte van zeke(re)n vervolgen enden vo(n)nissen van/ scepen(en) van loeven(e) ten profijte vanden voirs(creven)/ franchoise xxiiii[ta] julii lestleden gesciet en(de) gewesen/ dairmede deselve franchoix dese rinte van xxx stuv(er)s/ ende meer ande(r) den selven henricke puelincx/ toebehoe(re)nde binnen loeven(e) gelegen met rechte/ en(de) rastame(n)te behoirlijck uutgewonnen heeft/ voir div(er)se sculden ald(aer) geruert Scelden(de) de/ selven h(er) willem volcomel(ijck) quijte inde(n) name/ als voe(r) de voirs(creven) capellanen en(de) hue(r) goede/ voirs(creven) den voirs(creven) gerarde de thymo en(de) alle ande(r)/ des quitan(cie) behoeven(de) vanden selven xxx stuv(er)s/ Promittens null(atenus) alloqui renu(n)tians quibuscu(m)q(ue)/ p(ri)vilegiis sed de ista quitan(cia) et solutione/ erga quoscu(m)q(ue) rectam p(ro)sta(r)e warandia(m) cor(am)/ duffle tybe julii xxviii