Want h(er) gheert le cuvelier prieste(r) als [p(ro)cur(eur) he(re)n diericx le begge ridd(er)s] geleydt nae(r) des(er)/ stadt recht voir zijn wettich gebreck uut crachte van/ scepen(en) brieve(n) van loeven(e) tot alle(n) den goeden beyde have/ ende erve roberts de pieroy en(de) mathijs wijlen de/ pieroy soe wair die gelegen zijn hem met brieven/ van des(er) stadt gescreven aenden meye(r) van linshain oft/ zijnen stadhoude(r) Alle deselve goede behoirlijck/ heeft doen leve(re)n ende den voirs(creven) rob(er)de der wed(uwe)/ des voirs(creven) wijlen mathijs en(de) woute(re)n ende arnde de/ pieroy dach van rechte alhier te compare(re)n inde/ banck voir meye(r) ende scepen(en) van loeven(e) oft zij/ hen d(aer)tegen hadden willen oppone(re)n doen bescheyden/ Aldair zij op heden niet gecomp(ar)eert en zijn noch/ nyemandt van hue(re)n wegen den voirs(creven) geleydden/ compare(re)nde en(de) trecht voirt versueken(de) soe/ hebben scepen(en) van loeven(e) t(er) manissen smeyers nae/ dat behoirlijck heeft gebleken bij resc(ri)pte jans/ dompmartin bailiu van ha(n)nuyt tvoirs(creven) exploit/ behoirlijck gesciet te zijne vo(n)nislijck gewijst hebben/ wair de wed(er)p(ar)tie des voirs(creven) geleydden niet en/ comp(ar)eerde voe(r) den opstaen(en) smeyers en(de) der scepen(en)/ datme(n) den selven geleydden vanden voirs(creven) goeden/ houde(n) soude inde macht van zijne(n) voirs(creven) beleyde/ scepen(en) brieven en(de) leveri(n)gen alsoe verre alst noch/ voir scepen(en) comen is in scampno aug(usti) vii[a]