Want joh(ann)es de gouda als procur(eur) he(re)n jans van beloys/ ridders geleydt nae des(er) stadt recht voir zijn/ wettich gebreck uut crachte van scepen(en) brieven/ van loeven(e) tot allen den goeden beyde have en(de) erve/ jans wijlen opden berch ende jans wijlen van/ tsestich soe wair die gelegen zijn hem met/ janne berain vorste(r) en(de) dienae(r) ons gened(ichs) he(re)n/
//
tshertogen binnen des(er) stadt alle de selve goede/ behoirlijck heeft doen leve(re)n ende augustijne opden/ berch meeste(re)n golijne van tsestich ende pete(re)n van/ dormale dach van rechte alhier te compare(re)n inde/ banck voir meye(r) ende scepen(en) van loeven(e) oft zij/ hen dairtegen hadden willen oppone(re)n doen bescheyde(n)/ aldair nyemandt van hen comen en is noch oick/ nyemant van hue(re)n wegen den voirs(creven) procur(eur) inde(n)/ name als voe(r) compare(re)nde en(de) trecht voirt v(er)sueken(de)/ soe hebben scepen(en) van loeven(e) ter maniss(en) smeyers/ nae dat hen behoirlijck heeft gebleken bij relatien/ des voirs(creven) jans berain tvoirs(creven) exploit behoirlijck gesciet/ te zijne gewijst met vonnesse wair de wed(er)p(ar)tie/ des voirs(creven) geleydden niet en (com)pareerde voe(r) den/ opstaen(en) smeyers en(de) der scepen(en) datmen den selven/ geleydden vanden voirs(creven) goeden houden soude inde/ macht van zijnen voirs(creven) beleyde scepen(en) brieven/ en(de) leveri(n)gen alsoe verre alst noch voir scepen(en)/ comen is in scampno aug(usti) vii