Nae dien jan demain al(ia)s boba wettich sone/ jans wijlen boba en(de) jor(is) demain al(ias) boba zijn/ natuerlijc brued(er) op dlesten wachten van gr(at)ien va(n)d(en)/ dageme(n)te dat michael helmich gevordert hadde/ met willem(me) van leefdale als zijne(n) procur(eur)/ opt huys geheeten de roede porte metten twee/ ande(re)n huysen d(aer)naist gelegen ende den toebehoirte(n)/ gelegen bij een inde borchstrate bynnen poirten/ / tusschen de goede desselfs machiels t(er) eenre en(de)/ pet(er)s boschma(n)s d(aer) tulpijn cousma(n)s de becke(r) nu/ inne woent t(er) ande(r) zijd(en) om restitucie te hebben(e)/ van zesse croenen lestw(er)ff gevallen den capellanen/ van s(in)[te] pet(er)s te loeven(en) met coste en(de) come(r) vand(en)/ zesse croenen erffel(ijc) die de selve capellane(n) jairl(ijx)/ hebben op de selve goede voirs(creven) en(de) oic op des voirs(creven)/ machiels goede d(aer) naist gelegen dair voe(r) de selve/ capellane(n) den selve(n) machiele hadden doen panden/ om tot betali(n)gen vand(en) selve(n) vi crone(n) lestwerff/ gevallen te comen(e) ende alsoe om zijn panden te/ lossen(e) de selve zesse gevallen(en) crone(n) met coste/ en(de) co(m)me(r) hadde moten v(er)leggen en(de) soe mette(n) voirs(creven)/ dageme(n)ten voirts gevolght hadde voe(r) de restitucie/ van dien met coste en(de) co(m)me(r) opde voirs(creven) rode/ porte metten toebehoirten voirs(creven) die zijn goede/ voirs(creven) mits der wairscap d(aer) aff gedaen sculdich/ wae(re)n d(aer) aff los te houden gecomp(ar)eert zijn met/ twee scepen(en) van lov(en) te weten(e) h(er)meys tymple/ op den selven gront vand(en) roed(en) porten voirs(creven)/ Te kennen gevende en(de) oegende den selven dat/ de voirs(creven) willem van leefdale als p(ro)cur(eur) des/ voirs(creven) mach(iels) ombehoirlijc hadde gewacht tselve/ leste wachten ende gesceyden was vanden selven/ gronde gem(er)ct dat zij d(aer) den selve(n) scep(enen) wesen/ twee kisten die soe sij hielden pantveerich wae(re)n/ o(m)me af te panden(e) sonder wachten en(de) die pand(en)/ voir al te execute(re)n Dair tegen de selve/ willem als p(ro)cur(eur) desselfs mach(iels) en(de) oic de/ selve mach(iel) in p(rese)ntien van buetsele baets/ scepen(en) die op dleste wachten hadd(en) geweest/ sustineerden de (contra)rie dat die pand(en) al en hadden/ d(aer) egheen gevrijdde p(er)soenen inne gewoent/ / soet deden d(aer) om datmen dair niet panden en/ mochte sulc niet en wae(re)n datmen d(aer)om bellicx/ hen vanden gronde en(de) uuyte(n) dageme(n)te niet leyden/ en soude noch hue(r) executie d(aer)mede doen cesse(re)n/ Te voirde(r) oic want die niet en wae(re)n genoech/ om de costen alleen(e) te betalen(e) Te vorde(r) oic wa(n)t/ dat v(er)sueck van dier afpanding(en) te voldoen(e)/ gesciedde naede(n) ut(er)sten ende lesten vo(n)nisse dat/ de selve scepen(en) die opt wachten wae(re)n opten/ selven gront nae tselve wachten hadden gewesen/ ende alsoe was ende gebuerde tselve versueck/ tonrechte en(de) (contra)rie den selven vo(n)nisse wair bij/ de selve willem van leefdale als p(ro)cur(eur) voirs(creven)/ sustineerde hen d(aer)inne v(er)mert te wesen ende te/ spade te comen(e) soe v(er)re dat de selve ver/ suekers d(aer)om ontboden hebben den voirs(creven) mach(iele)/ en(de) willem(me) zijnen p(ro)cur(eur) bijd(en) raide vand(er) stadt/ des ande(re)n daighs dair nae dair zij co(m)p(ar)e(re)nde/ met thoemase mus als mo(m)boir vanden voirs(creven)/ janne demain tendeerden totter a(n)nichilatien/ vanden uutdaigen(en) bijden reden(en) voirs(creven) Den/ voirs(creven) willem(me) en(de) mach(iele) t(er) (contra)rien sustine(re)nde/ geven(de) te kynnen dat dese questien aenghingen beyde/ scepen(en) br(ieven) van loeven(en) ende oic den uutdagen(en) voirs(creven)/ voir hen gedaen versueken(de) d(aer)om die versonden/ te werdden inde banc voe(r) meye(r) ende scepen(en) dair/ de ke(n)nisse d(aer)aff behoirde Welc re(n)voy bij uuyt/ spraken vand(er) stadt alsoe gebuert is ende want/ die questie bij consente van beyde(n) p(ar)tien gec(on)t(inueert)/ en(de) uutgestelt w(er)t xxiiii januarii lestleden voir/ scepen(en) van loeven(en) tot des donderdaigs d(aer)nae/ dwelc xxvi ja(una)[rii] ende de selve gebrued(er)s op heden/ als ten naisten daige van rechte voir oeghen/
//
niet comen en zijn noch hen rechtswerdich gemaict/ en hebben noch te rechte gep(rese)nteert ende de voirs(creven)/ willem ende machiel hen gepr(ese)nteert hebben te/ rechte ende v(er)socht navolgen(de) der voirgesciedenisse(n)/ en(de) vo(n)niss(en) van scepen(en) voirs(creven) in hue(r) voirs(creven) recht/ vorderi(n)ge gehouden te wordden ende dat vo(n)nislijck/ bij scepen(en) gewesen wordde dat zij souden moegen/ p(ro)cede(re)n en(de) comen tott(er) guedingen vand(en) uutdagene/ niet wed(er)staende den belette dat de wed(er)p(ar)tie/ slinckelijc d(aer) inne tot noch toe voirtgekeert hadde/ Soe v(er)re dat de scepen(en) van loeven(en) t(er) maniss(en) smeyers/ gewijst hebben met vo(n)nisse zoe v(er)re de wed(er)p(ar)tie/ vanden selven machiele niet en comp(ar)eerde voe(r) den/ opstaen(en) smeyers en(de) der scepen(en) dat de selve wille(m)/ en(de) machiel voirts p(ro)cede(re)n souden moegen met/ hue(re)n rechte ende comen tott(er) voirs(creven) guedingen/ vand(en) uutdaigen(en) als dat behoirt in scampno cor(am)/ h(er)meys borch tymple baets januarii ulti(m)a