It(em) jonch(e)r jacop uten lyemi(n)gen in p(rese)ntia heeft uutgegeven/ ende bekint uutgegeve(n) te hebbene joesen van roese(n)beke nu/ t(er) tijt clerc ende dienae(r) he(re)n lod(ewijx) pi(n)nock ridders meye(r)/ van loeven(en) en(de) zijne(n) nacomeli(n)gen een huys en(de) hoff/ metten beemden ende zijnen toebehoirten alsoe dat/ gelegen es inde broecstrate wijlen toebehoe(re)nde meest(ere)n/ janne mota Erffelijck te houden(e) ende te / besittene op acht ende eenen halve(n) rinsgulden(en)/ te twintich loepend(e) stuvers den rinsgulden/ ende den stuv(er) te drie plecken braba(n)ts gerekent/ den pe(n)ni(n)ck te xviii der gelijcker pe(n)ni(n)gen/ in diverschen chijnsen aen diverse p(er)soene(n) dair/ uutgaende Met des(er) (con)ditien dat de selve joes/ de ierste acht jae(re)n lanck due(re)nde innegaen(de) s(in)t/ jansmesse baptisten a(n)no seven ende negentich/ gestaen sal met elx jairs te betalen(e) vanden/ voirs(creven) acht ende eene(n) halve(n) rinsgulden(en) erfchijns/ mett(er) so(m)men van seven rinsgulden(en) ten p(ri)se als voe(r)/ / gelijc ende in alsulker manieren als een prieste(r)/ geheeten herjan coutellier prior van franen tselve/ huys voirs(creven) metten toebehoirten gehuert heeft den/ selven tit van acht jae(re)n voirs(creven) dueren(de) Des/ es conditie dat de voirs(creven) jonch(e)r jacop tselve huys/ met zijne(n) toebehoirte(n) leve(re)n sal den voirs(creven)/ joese los ende quijte van allen acht(er)stellige/ rinten ende chijnsen dairop gevallen zijnde/ ende oic oft meer co(m)mers ute(n) voirs(creven) huyse en(de) zijnen/ toebehoirten bevonde(n) wordde gaende oft in e(n)nigen/ saken meer belast wae(r) van ond(er)pande oft and(er)ss(ins)/ dan voirs(creven) is d(air)aff sal de voirs(creven) jonch(e)r jacop/ den selve(n) joese en(de) sijn goede voirs(creven) ontlasten/ ende d(aer) voe(r) wara(n)t blive(n) dwelc de selve/ jonch(e)r jacop alzoe geloeft heeft te doene Item/ es oic conditie dat de voirs(creven) joes sculdich zal/ zijn af te leggen(e) twee rinsgulden(en) erffelijck/ den pe(n)ni(n)ck xviii oft soe goeden coep als hij can/ aende p(er)soenen chijnsen d(aer)op hebbende binnen/ eenen jae(r) naestcomende innegaen(de) s(in)t jansmesse/ a(n)n[o] xcvii voirs(creven) cor(am) borch buetsele junii ix[a]