Item jacop damoede sone wijle(n) jans woenen(de) te/ graven in p(rese)ntia heeft genome(n) en(de) bekint genome(n)/ te hebbe(n) van arnold(e) van kets als p(ro)cur(eur) der juf(frouwen)/ marien vanden groten beghijnhove bynnen loeven(e)/ ten bijsijne en(de) met co(n)sente van goirde vand(en) b(er)ge/ inde lilie en(de) ja(n)ne van buetsele als mo(m)bo(r)en inden/ name(n) vand(er) stadt ende oic van jouffr(ouwen) ka(tlij)[ne(n)] van/ oppendorp en(de) jouffr(ouwen) marie(n) vand(er) bueken beyde/ als grootmeest(er)ssen vanden selve(n) beghijnhove de/ lande h(ier) nae genoempt Te weten(e) yerst eeen/ boend(er) lants gelegen te graven neven de goede/ der beghijne(n) van perir tusschen den wech gaen(de)/ van graven te bonler ende der armer van graven/ It(em) een boender lants gelegen ald(aer) opten oever va(n)den/ vive(re) del fontaine al couwe op den zijde en(de) de lande/ she(re)n van brabant It(em) een half boend(er) lants gelegen/ ter plaetssen weert geheeten hackebiel tussche(n) den oever/ van hackebiel ende de beghijne(n) van perir It(em) iii/ dach(mael) lants gelegen tussche(n) den oever del fonteyne/ al couwe ende de lande geheete(n) daure It(em) een/ dach(mael) lants gelegen t(er) plaetssen geheete(n) scanderau/ acht(er) de bakeleyne tusschen de lande der erfgename(n)/ gheerts wijle(n) loze ende de lande der he(re)n van piet(re)baix/ It(em) drie dach(mael) lants gelege(n) neven de valleye a/ laloux tussche(n) de lande van hembaix en(de) de beghijne(n)/ van perir It(em) een boend(er) lants gelegen t(er) plaetssen w(er)t/ geheete(n) pamart tussche(n) der armer goede van grave(n)/ It(em) i(½) dach(mael) lants gelegen en courtil a laloux tussche(n)/ tussche(n) de rivie(r) ende den hoff der armer van graven/ It(em) iii dach(mael) lants gelegen acht(er) de marlir tussche(n)/ den wech gaen(de) van grave(n) te couckeroul en(de) de lande/ van piet(re)baix It(em) i boend(er) lants [ald(aer)] acht(er) de marlier/ tussche(n) de lande d(er) hee(re)n van bossuyt en(de) m(ijnre) vr(ouwen)/ van florivael It(em) (½) boend(er) lants gelegen boven de/ plaetsse geheete(n) leloy tusschen de lande des gasthuys
//
van graven ende scloest(er)s goede van oudreghem/ It(em) i(½) dach(mael) lants gelegen boven de voirs(creven) plaetse/ geheeten leloy tussche(n) de lande des godshuys van/ florivael en(de) darme van grave(n) It(em) v dach(mael) lants/ gelege(n) opden wech gaende van graven te gotteke(m)/ en(de) m(ijn) hee(re) van piet(re)baix It(em) (½) dach(mael) lants gelegen/ t(er) zijden te haharnau tussche(n) de goede der armer van/ graven te beyden zijden It(em) (½) boend(er) lants gelegen/ ald(aer) tussche(n) de goede ende lande henr(ix) de ay ende/ jans le febure It(em) twee stucken lants gelegen t(er) zijd(en)/ te mortsain houden(de) omtrint vier dach(mael) It(em) drie dach(mael)/ bosch gelegen boven pa(m)mart van arkene(n) bijde/ heyde de mons tot arken(en) voirs(creven) op deen zijde en(de)/ tvelt ald(aer) op dander zijde Welke goede voirs(creven) houde(n)/ tsamen xi boend(er) iii(½) dach(mael) luttel min oft meer/ Te houden te hebben ende te wynnen van halfm(er)te/ lestleden eenen t(er)mijn van zesse ja(r)en lanc due(re)nde/ sonder middel vervolgen(de) Elcx jairs d(ae)renbynnen/ om ende vier mudden corens alsulcx grains als/ vand(en) voirs(creven) landen jairlijcx come(n) sal goet en(de) pag(abilis)/ der mate(n) van loeven(e) met wa(n)ne en(de) vloeghele(n)/ wel bereyt alle ja(r)e s(in)[t] andr(iesm)[e]sse apostels te bet(alen)/ en(de) te loeven(e) bynne(n) der infirmarie(n) te leve(re)n den/ mo(m)bo(r)en oft den p(ro)cur(eur) vand(er) infirmarie(n) voirs(creven)/ quol(ibe)t ass(ecu)[tu(m)] Met vorweerden dat de selve vand(en)/ beghijnhove ten halve(n) tijde sulle(n) moegen scheeden/ bij alsoe dat zij den voirs(creven) wynne (½) jair te vo(r)en/ sullen moten cundige(n) It(em) es vorw(er)de dat de voirs(creven)/ wynne de voirs(creven) lande wynne(n) werve(n) ende/ meste(n) sal jairlijcx zijne(n) t(er)mijn due(re)nde wel/ en(de) loffelijc gelijc regenoete(n) boven ende beneden/ ende tot zijne(n) afscheiden(en) sal hij die bloot laten/ en(de) geheel uutgesceyden vier boende(re)n die hij tot/ zijne(n) afscheyden(e) op hue(r) behoirl(ijke) voren besaeyt/ sal laten met wint(er)coren(e) Te weten(e) de drie
//
dach(mael) voirs(creven) opden oever del fontayne It(em) (½) boend(er)/ t(er) zijden te hackebiel It(em) een boend(er) t(er) zijden te/ pamart It(em) drie dach(mael) acht(er) den marlier en(de) een/ boender acht(er) de selve plaetse It(em) es vorw(er)de dat/ de voirs(creven) wynne jairl(ijcx) den chijs uuten voirs(creven)/ goeden gaende jairlijcx alsoe in tijts bet(alen) sal dat/ den voirs(creven) beghijnhove d(aer) bij gheen scade en come/ sonder afslach van des voirs(creven) steet It(em) es vorw(er)de/ dat de wynne voirs(creven) de ghrechten straten en(de)/ wat(er)leyden in ende om de voirs(creven) goeden liggen(de)/ veeghen ruyme(n) ende maken sal Es oic vorw(er)de/ dat de voirs(creven) wynne eens bynne(n) den voirs(creven) t(er)mijne/ tvoirs(creven) bosch afhouwen sal moegen en(de) niet meer/ Ende alle dese vorw(er)d(en) (et)c(etera) cor(am) borch vynck julii/ sexta