Nae dien wille(m) van overwynge als oem van/ joese en(de) janne van ov(er)wynge gebruede(re)n wettighe/ sonen jasp(er)s wijlen van overwynge die wettich/ brueder was als hij leefde des voirs(creven) willems/ ende jan van gheele als maegh vanden selve(n) gebruede(re)n
//
van hue(re)r moed(er) wegen den raide vand(er) stadt/ te kynne(n) gegeven hebben hoe zij met testame(n)te/ desselfs wijlen jasp(er)s gemaict wae(re)n mo(m)boirs va(n)d(en)/ voirs(creven) twee gebruede(re)n genoech alnoch o(n)mondich ende/ onder hue(r) daige zijnde ende hoe de selve kynde(re)/ met allen gheen ge(re)de pe(n)i(n)ge(n) oft goede en hadden/ van hue(re)n vad(er) voirs(creven) gebleve(n) noch and(er)ssins Ov(er)mits/ dien dat de selve hue(r) vader een nawijff der selv(er)/ gebruede(re)n stiefmoeder genome(n) ende getrout hadde/ D(aer)op nae d(en) rechte van des(er) stadt alle gereede/ goede have vliegen(de) erve en(de) pe(n)ni(n)g(en) wae(re)n v(er)schene(n)/ ende want dair seke(r) leengoed(en) wae(re)n vand(en)/ selve(n) hue(re)n vader gebleve(n) d(aer) inne de selve sone(n)/ nae recht gericht wae(re)n die behoefden v(er)heefden/ te wordden oft zij wae(re)n ghescapen dair aff/ beroeft te wordden wa(n)t e(n)nige vand(en) leenhe(re)n/ e(m)mer te twee oft te drie plaetssen alreede voe(r)/ tselve v(er)heffen en(de) hue(r) heerlijcke rechte(n) d(aer) op/ hadden begonnen te p(ro)cede(re)n Ende alsoe en wairt/ niet moegelijck dat noch de evictie van dien te/ co(n)nen beletten het en wae(re) dat de selve vrinde/ en(de) mo(m)boe(re)n dair toe pe(n)ni(n)gen hadden ende om/ die te gecrigen ende te beletten dat de selve kinde(re)/ vand(er) hue(re)n niet en wordde(n) beroeft Soe baden/ zij oetmoedelijc den selven raide vand(er) stadt als/ ov(er)ste mo(m)boe(re)n van allen weesen bynnen deser/ stadt woenechtich en(de) d(aer) aff vader ende moeder/ beyde bynne(n) des(er) stadt aflivich wae(re)n wordden/ h(ier) op p(ro)visie en(de) r(e)medie om totten welken/ te come(n) Zij advijseerden den selve(n) raide dat/ zij als mo(m)boe(re)n voirs(creven) opdat den selve(n) raide/ goetdochte datmen met finan(cien) t(er) mi(n)ster last/ den pe(n)ni(n)ck xviii op borgen mocht halen een/ croene terfquiti(n)gen met xviii crone(n) om met/ dien pe(n)ni(n)gen de voirde(r) scade vand(er) uuytwi(n)ni(n)g(en)
//
voirs(creven) te beletten ende de leene d(aer) mede te v(er)heffen/ Zij wae(re)n de ghene die voir huers selfs p(er)soenen d(aer)/ voe(r) hen veroblige(re)n wouden bij alsoe nochtan ende/ op in dien dat den selven raidt tselve vercoepe(n)/ woude app(ro)be(re)n om de lasten die hen d(aer) aff comen/ mochten aende selve kynde(re) ende hue(r) goede te moge(n)/ verhalen ende nemen ende oic om hen d(aer) aff te/ moegen doen lossen Ende want den selve(n) raide/ gedocht heeft dese beg(er)te in huer selven redelijck/ wesen(de) soe heeft den selven raidt d(aer) inne geco(n)/ senteert ende gecleert dat alsoe te doene en(de) te/ geschieden avise(re)nde nochtan den selve(n) mo(m)boe(re)n o(m)me/ meerd(er) sekerh(eit) van hen want zij bijd(en) testame(n)te des/ voirs(creven) jasp(er)s mo(m)boirs gestelt wae(re)n en(de) tselve testame(n)t/ ae(n)ghinck den geestel(ijcken) hee(r) te weten(e) m(ijn) hee(r) den/ officiael dat zij van gelijcken consent crijgen soude(n)/ aend(en) selve(n) hee(r) den officiael Act(um) in (con)s(ili)[o] op(idi)/ nove(m)br(is) xxiii