Want peet(er) vanden p(er)like als geleydt nae des(er)/ stadt recht voir zijn wettich gebreck uuyt crachte/ van scepen(en) br(ieven) van loeven(en) tot alle(n) den goeden beide/ have en(de) erve henricx wijlen verteynden soe wair/ die gelegen zijn hem met br(ieven) van des(er) stadt gescr(even)/ aend(en) schouth(eit) van he(re)ntals oft zijne(n) stadthoude(r)/ te molle alle de selve goede behoirlijc heeft doen/ leveren ende besund(er)t alsulken xxv rinsg(ulden) eens als/ tdorp van balen oft den heertganck van schoe(r) sculd(ich)/ wae(re)n der voirs(creven) wed(uw)[en] ende kynde(re)n des voirs(creven) wijle(n)/ henricx uuyt saken vanden coepen(en) van seke(re)n wouwers/ die zij oft e(n)nich van hen tegen de selve wed(uw)[e] gecocht/ hadd(en) ende der wed(uw)[en] en(de) kinde(re)n voirs(creven) en(de) tdorp/ van balen oft den heertganck van schore dach van/ rechte te comp(ar)e(re)n alh(ier) inde banck voir meye(r) ende/ scepen(en) van loeven(en) hadde doen besceyden oft zij hen
//
dair tegen hadden willen oppone(re)n Ald(aer) zij op heden/ als ten daige van rechte d(aer) toe dienen(de) niet/ gecomp(ar)eert en zijn noch p(ro)cur(eur) van hue(re)n wegen/ den voirs(creven) geleydden comp(ar)e(re)nde ende trecht voirts/ v(er)sueken(de) soe v(er)re dat de scepen(en) van loeven(en) ter/ manissen smeyers nae dat hen behoirlijck gebleken/ heeft bij rappoirte jans van hove des(er) stad bode/ tvoirs(creven) exploit geschiet te zijne gewesen hebben/ met vo(n)nisse Wair de wed(er)p(ar)tie vand(en) voirs(creven) geleyd(en)/ niet en comp(ar)eert voe(r) den opstaen(en) smeyers ende/ der scepen(en) datmen den selve(n) geleydden vand(en) voirs(creven)/ goeden houden soude inde macht van sijne(n) beleyde/ scepen(en) br(ieven) en(de) leveri(n)gen alsoe verre alst noch/ voir scepen(en) comen is V(er)clee(re)nde de selve geleyde/ zijn voirs(creven) scult gedragen(de) xxviii rinsgulden(en) eens/ sond(er) cost en(de) co(m)mer bij hem d(aer)om geleden in sca(m)pno/ nove(m)br(is) xxiii