Want mychiel helmich al(ia)s van doirne als p(ro)cur(eur) der/ meest(er)s vand(er) dist(ri)butien vanden capellanen sinte pet(er)s/ te loeven(en) als geleydt nae des(er) stadt recht voe(r) zijn/ wettich gebreck uuyt crachte van scepen(en) brieven van/ loeven(en) tot allen den goeden beyde have en(de) erve/ henr(ix) van daelh(em) jouffr(ouwe) elzen pynnocx zijnd(er) moed(er)/ willems couwens henr(ix) van ned(er)hem hubrechts va(n)d(en)/ ynde ende willems van daelhem geheeten van meens/ sele soe wair die gelegen zijn hem met brieve(n)/ van des(er) stadt gescreven aenden alle officie(re)n alle/ de selve goede behoirl(ijc) heeft doen leve(re)n ende/ den kinde(re)n ende erfgenamen der voirs(creven) p(er)soenen/ dach van rechte te comp(ar)e(re)n alh(ier) inde banck voe(r)/ meye(r) en(de) scepen(en) van loeven(en) doen bescheyden oft/ zij hen d(aer) tegen hadden wille(n) oppone(re)n Aldair/ zij op heden als ten dage van rechte dair/ toe dienen(de) niet gecomp(ar)eert en zijn noch niema(n)t/ van hue(re)nt wegen ende willem(me) van leefdale/ als p(ro)cur(eur) der voirs(creven) meest(er)s comp(ar)e(re)nde ende trecht/ voirts versueken(de) Soe v(er)re dat de scepen(en) van/ loeven(en) t(er) manissen smeyers nae dat hen behoirl(ijc)/ gebleken heeft bij rappoirte jans van hove des(er)/ stadt bode tvoirs(creven) exploit gesciet te zijne bijd(en)/ meyers van meenssele nyeuwer capelle(n) en(de) cortenak(en)
//
gewesen hebben met vo(n)nisse wair de wed(er)p(ar)tie/ vand(en) voirs(creven) geleydde(n) niet en comp(ar)eert voe(r) den/ opstaen(en) smeyers ende der scepen(en) datmen den selve(n)/ geleydden vand(en) voirs(creven) goeden houden soude inde/ macht van zijne(n) beleyde scepen(en) br(ieven) en(de) leveri(n)g(en)/ alsoe v(er)re alst noch voir scepen(en) comen is in/ scampno nove(m)br(is) xxiii