Item gheert engelb(er)t woenen(de) te groeni(n)gen in p(rese)ntien/ der scep(enen) van loeven(en) gestaen heeft gekint dat joh(ann)es/ heyms poirte(r) van loeven(en) als borge joos van mulct/ hem te volle(n) v(er)nueght en(de) betailt heeft vand(er) so(m)men van/ sessehondert negentich enckel goud(en) rinsg(ulden) viii(½) st(uvers)/ die geert voirs(creven) op joose vand(er) mulct voirs(creven) met/ rechte voir scepen(en) van loeven(en) gewo(n)nen heeft d(aer)voe(r)/ joh(ann)es heyms voirs(creven) als borghe des voirs(creven) joes bijd(en)
//
hee(re)n cancell(ie)r en(de) and(er) vand(en) raide in brabant/ geco(n)dempneert is geweest te voldoen(e) Heeft voirts/ bekint de voirs(creven) gheert dat de selve joh(ann)es heyms/ hem betailt heeft die costen van rechte voe(r) meye(r)/ en(de) scepen(en) bijd(en) voirs(creven) geerde gedaen die getaxeert/ wae(re)n op omtrint vierthien rinsgulden(en) en(de) d(aer) toe noch/ voe(r) die vacatie(n) en(de) int(er)esten die gheert bij gebreke/ van sijne(n) pe(n)ni(n)gen geleden heeft nae dien jo(hann)es/ voirs(cvreven) inde so(m)me geco(n)dempneert is geweest die/ de selve joh(ann)es als borge des voirs(creven) joes betailt/ heeft de so(m)me van xxxviii goud(en) gulden(en) ende/ noch twintich curren(tis) rinsg(ulden) Van welken xx curren(tis)/ rinsg(ulden) de selve joh(ann)es zijn obligatie op heden geerd(en)/ geg(even) heeft Ende d(aer)enboven heeft joh(ann)es voirs(creven)/ noch betailt alle costen van executie(n) en(de) aude v(er)volg(en)/ met rechte op hem als borge en(de) zijn goede gedae(n)/ wair bij die selve gheert geloeft heeft joesen/ voirs(creven) vand(en) voirs(creven) vi[c] xc goud(en) rinsgulden(en) viii(½)/ st(uvers) als vand(er) pri(n)cipaeld(er) scult noch oic uuyt saken/ vand(en) hantsc(ri)fte dat hij d van joese en(de) jacoppe/ cassele(re) heeft vand(er) voirs(creven) so(m)men van vi[c] xc/ gouden guld(en) (et)c(etera) nu(m)mermeer ae(n)tespreken (et)c(etera) Scelden(de)/ de voirs(creven) gheert den selve(n) joh(ann)ese heyms als borge/ van allen des voirs(creven) is geheelijc quijte behalven/ den selven gheerde zijn actie op joese voirs(creven) van/ zijne(n) costen scaden lasten en(de) int(er)esten die hij opd(en)/ voirs(creven) joese met rechte sal moegen wynne(n) o(m)me/ die te eyssche(n) in sulker vuegen en(de) manie(re)n als g(er)de/ dat believen sal cor(am) h(er)meys borch nove(m)br(is) xxvi