SAL7390, Akte: R°197.3-V°197.1 (334 van 782)
Akte R°197.3-V°197.1
Act
Datum: 1496-12-02
Transcriptie
2018-10-14 door Karel EmbrechtsVander questien gecomen op heden bijden raide vand(er)/
stadt tussche(n) henr(icke) willems t(er) eenre en(de) ja(n)ne borchma(n)/
met zijnen medepleg(er)s woenen(de) te bethekem t(er) ande(re)/
aldair de voirs(creven) henr(ic) te kynnen gaff hoe dat hij/
voe(r) twee mudden corens erffelijc trecht hadde doen/
versueken op zijn panden gelegen t(er) plaetss(en) voirs(creven)/
en(de) dat bij peete(re)n zijne(n) sone dair aff de selve jan
//
meye(r) vand(en) gronde was en(de) selve besitte(r) van dien/ dwelc hij niet en hadde pijnen te doene mair tselve/ v(er)houden mits dat hij seke(r) calangie(n) innebracht van/ cortsel te hebben dair aff de voirs(creven) jan hoepte wel/ gefund(er)t te zijne besund(er)t van twee jae(re)n ten mi(n)sten/ gem(er)ct den orlogen en(de) scaden voirleden vand(en) welke(n)/ soe de selve jan seyde [dat] de(n) voirs(creven) henr(icke) gheen cortsel/ ged(aen) en soude hebben Dair op de voirs(creven) he(n)r(ic)/ de (contra)rie besund(er)t want de voirs(creven) jan tvoirs(creven) goet/ d(aer) hij zijn rinte op hadde mair drie jae(re)n gehadt/ en hadde en(de) bij coepe toe come(n) was ende wa(n)t/ tselve goet bynne(n) den selven tijde vruchtbair/ was geweest en(de) gewo(n)nen en(de) van egheen(en) scaden/ en(de) conste geseggen bynne(n) den selve(n) tijde soe/ hoepte de selve henr(ic) dat de voirs(creven) jan mette(n)/ eyssche van e(n)nig(er) cortsel verdoelt soude wesen Te/ voirde(r) oic want noch een and(er) p(er)soen geheeten/ de keute(re) tvoirs(creven) goet zed(er)t der orloegen twee/ jair beseten hadde en(de) dat alsoe hij jan gheen/ sake noch reden(en) en hadde vand(en) tijde d(er) selv(er)/ orlogen e(n)nich cortsel als voe(r) te eyssche(n) Vand(en)/ welken de selve jan genoech bekynnen(de) de/ voirs(creven) rinte schuldich te zijne en(de) gheen ande(r)/ questie in w(er)sijd(en) en hadden dan den cortsel/ aengaen(de) dat hij mair tselve goet als voe(r)/ drie jae(re)n gehadt en hadde en(de) d(aer)enbynnen gheen/ schade geleden sustineerde nochtan de (contra)rie bege(re)nde/ alsoe in w(er)sijden der he(re)n uuytsprake in desen/ Es geappointeert en(de) uutgesproken nae dat dbe/ kynnen des voirs(creven) jans ende des and(er)ssins bijd(en)/ p(ar)tien geallig(er)t es geweest dat hij jan van e(n)nigen/ cortsel d(er) rinten voirs(creven) te heyssche(n) verdoelt es mair/ dat hij sculd(ich) sal zijn opte leggen en(de) te bet(alen) de gevalle(n)/ rinte(n) d(aer) questie aff es in (con)s(ili)[o] op(idi) decembr(is) s(e)c(un)da
//
meye(r) vand(en) gronde was en(de) selve besitte(r) van dien/ dwelc hij niet en hadde pijnen te doene mair tselve/ v(er)houden mits dat hij seke(r) calangie(n) innebracht van/ cortsel te hebben dair aff de voirs(creven) jan hoepte wel/ gefund(er)t te zijne besund(er)t van twee jae(re)n ten mi(n)sten/ gem(er)ct den orlogen en(de) scaden voirleden vand(en) welke(n)/ soe de selve jan seyde [dat] de(n) voirs(creven) henr(icke) gheen cortsel/ ged(aen) en soude hebben Dair op de voirs(creven) he(n)r(ic)/ de (contra)rie besund(er)t want de voirs(creven) jan tvoirs(creven) goet/ d(aer) hij zijn rinte op hadde mair drie jae(re)n gehadt/ en hadde en(de) bij coepe toe come(n) was ende wa(n)t/ tselve goet bynne(n) den selven tijde vruchtbair/ was geweest en(de) gewo(n)nen en(de) van egheen(en) scaden/ en(de) conste geseggen bynne(n) den selve(n) tijde soe/ hoepte de selve henr(ic) dat de voirs(creven) jan mette(n)/ eyssche van e(n)nig(er) cortsel verdoelt soude wesen Te/ voirde(r) oic want noch een and(er) p(er)soen geheeten/ de keute(re) tvoirs(creven) goet zed(er)t der orloegen twee/ jair beseten hadde en(de) dat alsoe hij jan gheen/ sake noch reden(en) en hadde vand(en) tijde d(er) selv(er)/ orlogen e(n)nich cortsel als voe(r) te eyssche(n) Vand(en)/ welken de selve jan genoech bekynnen(de) de/ voirs(creven) rinte schuldich te zijne en(de) gheen ande(r)/ questie in w(er)sijd(en) en hadden dan den cortsel/ aengaen(de) dat hij mair tselve goet als voe(r)/ drie jae(re)n gehadt en hadde en(de) d(aer)enbynnen gheen/ schade geleden sustineerde nochtan de (contra)rie bege(re)nde/ alsoe in w(er)sijden der he(re)n uuytsprake in desen/ Es geappointeert en(de) uutgesproken nae dat dbe/ kynnen des voirs(creven) jans ende des and(er)ssins bijd(en)/ p(ar)tien geallig(er)t es geweest dat hij jan van e(n)nigen/ cortsel d(er) rinten voirs(creven) te heyssche(n) verdoelt es mair/ dat hij sculd(ich) sal zijn opte leggen en(de) te bet(alen) de gevalle(n)/ rinte(n) d(aer) questie aff es in (con)s(ili)[o] op(idi) decembr(is) s(e)c(un)da
Nagekeken door: kristiaan magnus
Moderator: kristiaan magnus
Laatste update:: 2017-04-18 door Xavier Delacourt