It(em) jan van buetsele nu t(er) tijt scepen(e) te loeven(e) t(er) eenre/ ende arnt decoste(re) briede(r) t(er) ande(r) zijde(n) in p(rese)ntia hebben/ gekint ende gelijdt dat sij met malcande(re)n v(er)accordeert/ ende ov(er)comen zijn aengaende dien zesse pet(er)s erffelijck/ die de voirs(creven) jan van buetsele jairlijcx heeft en(de) heffende/ is opde ca(m)me geheete(n) den moele(n)steen mette(n) toebehoirte(n)/ nu toebehoirende den voirs(creven) arnde de coste(re) gelegen inde/ wijng(ar)tstrate opde(n) hoeck vand(er) ridderstrate(n) tusschen/ de selve ridderstrate t(er) eenre ende de goede jans inden/ moele(n)steen t(er) ande(r) zijden der poente(n) en(de) vorweerden/ naebescreven die de selve p(ar)tien in wed(er)sijden malca(n)de(re)n/ geloeft hebben pro se et eor(um) succ(essoribus) tonderhoude(n) tacht(er)volg(en)/ ende te voldoene Ierst dat de voirs(creven) jan van buetsele/ voir oegen nemende dat de voirs(creven) ca(m)me zee(r) belast/ was ende hem beduchtende dat hij alsoe gescapen
//
wae(r) geweest die te moten uutdagen voe(r) de selve zijn/ rinte voirs(creven) ende dat dat meer soude gedragen hebben tot/ sijne(n) hynde(r) scaden ende achterdeele dan tot zijnen/ zijnen p(ro)fijte oft vordele de voirs(creven) erfrinte van zesse pet(er)s/ erffelijck gemynct heeft en(de) mits desen mynct tot op vijff/ pet(er)s erffelijck Consente(re)nde en(de) willecoe(re)nde de selve jan/ dat de selve arnt de coste(re) ende sijn erve(n) en(de) nacomeli(n)gen/ possesseurs ende besitters vand(er) zelv(er) ca(m)men van nu/ voirtane gestaen zulle(n) metten selve(n) vijff pet(er)s erffelijck/ vande(n) voirs(creven) zesse pet(er)s erffelijck behalve(n) dat de selve/ vijff pet(er)s erffelijck blive(n) zulle(n) van alsulke(n) ouderdo(m)me/ natue(re)n ende wesen(e) als die tot h(ier)toe geweest hebben/ ende dat den ande(re)n zesten pet(er) erffelijck in hen selve(n)/ versmelte(n) doot quijt en(de) te nyeute zijn sal ende/ de voirs(creven) ca(m)me metten toebehoirten dairaff ongelast/ zijn ende bliven tot eeuwigen dagen Ende ter/ ande(r) zijden heeft de voirs(creven) arnt de coste(re) t(er) meerder