Item jouffr(ouw) marie wittema(n)s weduwe giel(is)/ wijlen pynnocx glaesmakers t(er) eende(r) en(de) jan van/ oucle al(ia)s mariss(en) en(de) jouffr(ouw) katlijne coleners zijn/ wijff t(er) ande(r) zijd(en) sijn comen voir scepen(en) van/ loeven(en) h(ier)nae bescreven kynnen(de) en(de) lijden(de) dat zij/ met malcande(re)n ov(er)comen zijn en(de) veraccordeert/ vanden poenten en(de) conditien h(ier) nae volgende die/ zij malcande(re)n geloeft hebben te voldoen(e) ende/ deen dande(r) d(aer)aff inne te staene dat die volcome(n)/ gestentich en(de) onverbreckelijck ond(er)houden sullen/ wordden Ende inden yersten soe heeft de selve/ wed(uw)[e] die mechtich es alsnu in hue(re)n leven(de)/ live en(de) mett(er) wermer hant te verthie(re)n te/ vercoepen te versetten te belasten en(de) te transporte(re)n
//
alle hue(r) gereede en(de) haeffelijcke goede en(de) vliegen(de)/ erve getransporteert ger(e)signeert en(de) ov(er)geg(even) tra(n)spor/ teert r(e)signeert en(de) mits des(er) gheeft over geheelijc/ en(de) al alle de selve hue(r) [goede soe zij nu die hebben(de) en(de) besitten(de) es egheen d(aer)inne uutgesceyd(en) en(de) ingsgelijcx oic alle hue(r)] gevallen rinte(n) huer op heden/ ombetaelt uuytstaen(de) hoedanich en(de) aen wien dat zij/ en(de) die hue(r) d(aer) aff voirtaene hue(r) leefdage lanck valle(n)/ sullen moegen den voirs(creven) janne van oucle en(de) sijne(n)/ wive [om] d(aer) mede als met hue(re)n ande(re)n p(ro)pe(re)n eyghen(en)/ goeden hue(re)n vryen wille te doene die selve ge(re)de/ goede te verthie(re)n te verande(re)n en(de) anders te doen(e)/ dair mede en(de) metten gevallen(en) ombetaeld(e) en(de) na/ vallen(de) rinte(n) en(de) pachten des hen gelieft sonder/ wederseggen der selv(er) jouffr(ouwe) der wed(uw)[en] oft yema(n)t[s]/ and(er)s maken(de) hen der selv(er) gevallen(en) ombetaeld(er)/ en(de) oic vand(er) navallen(de) rinte(n) en(de) pachten irr(e)voca/ bilit(er) mechtich [om] die te mane(n) teyssche(n) optebue(re)n en(de)/ tontfange(n) met rechte te vervolgen te bedinghen/ te wynne(n) te verliesen hue(r) p(ro)fijt dair mede te/ doene quitan(cie) d(aer) aff te geven p(ro)mitt(ens) rat(um) sub ob/ ligatione et ypothecatio(n)e absq(ue) calculo in mel(iori)/ forma Ende dat al in r(e)compensien en(de) ver/ gutsinghen van div(er)sen menichfuldighen liefden/ vrintscapen en(de) guetelijch(eiden) die de selve jan en(de)/ zijn werdynne huer gedaen hebben een wijle/ geleden en(de) tot noch(ier) toe en(de) noch dagelijcx doen(de)/ zijn en(de) voirtaene doen sullen en(de) gelijc h(ier) nae/ bescreven steet sculdich en(de) gehouden sullen zijn/ te doen(e) hue(r) leefdage lanck Bijd(en) welken voir/ leden(en) liefden bijstentich(eiden) en(de) gunsten hier gedaen/ gelijc voe(r) en(de) noch te doene sij bekint soe g(r)[o]telijc/ inden selve(n) janne ende sijnd(er) werdynne(n) gehoud(en)/ te wesen dat sij in r(e)compens(ien) van dien ende/ oic voir tgene des zij d(aer)inne sulle(n) moten (con)tinue(re)n/ uuyt wroegen van hue(re)n (con)scien(cien) en(de) om huer/ d(aer) inne te quijte(n) ten selve(n) gehuyssche(n) weert tselve/ transport metter wermer hant gelijc voe(r) gedaen
//
heeft ende and(er)s niet en weet hen die te v(er)gelde(n)/ Ende t(er) and(er) zijd(en) soe hebbe(n) de voirs(creven) gehuysschen/ boven de vrintscapen en(de) gunsten voirs(creven) huer tot/ h(ier)toe gedaen gelijc voe(r) hen d(aer)inne te huerwerts/ veroblig(er)t en(de) v(er)bonden v(er)oblige(re)n en(de) v(er)binden mits des(er)/ voir hen hue(re)n erve(n) ende nac(omelingen) dat zij de selve/ wed(uw)[e] huer leefdage lanck doen en(de) besorgen/ sullen en(de) de selve v(er)sien in r(e)compensien vand(en) tra(n)s/ porte en(de) overgeven(en) der goeden voirs(creven) van eten/ drincken liggen sitten cleeden schoeden en(de) anders/ des huer notelijck en(de) behoeffelijc soude moegen/ wesen tamelijck ende redelijc nae hue(re)n staet/ ende gelegenth(eit) alsoe dat dat genoech sal mogen/ wesen ende gelijck zij tot h(ier) toe gedaen hebben/ gelijc de selve wed(uw)[e] bekint al sonder fraude en(de)/ argelist cor(am) borch buets(ele) decembr(is) xvii