Item want den bosch gelegen te huldenb(er)ge bijde/ kercke houden(de) omtrint twee boend(er) metten eycken/ dairop staen(de) en(de) eene(n) beempt oic gelegen te hulde(n)/ berge t(er) plaetssen geheeten niet vueghlijc en hebben/ geweest te deylen(e) mair ombequame wae(re)n gesceyd(en)/ ende gedeylt te wordden(e) soe zijn die buyten der/ selver deylingen ongedeylt bleven t(er) meyni(n)gen datmen/ dair toe coopman sueken sal ende die v(er)coepen op/ hoogen ten meesten orboe(r) ende p(ro)fijte Ende wes/ die vercocht wordden boven de co(m)me(re)n d(aer)uuytgaen(de)/ ende de costen die d(aer) op gedaen moten wordden dat/ salmen te gelijcke deylen tussche(n) goessen(en) v(er)aliten/ barbelen joese messuens janne de vleeschouwe(re)/ ende de kynde(re) jasp(ar)s de gheyse(re) ende der o(n)mondig(er)/ kynde(re)n deel van dien aenleggen ten meeste(n) p(ro)fijte/ vanden selven kynde(re)n Op welken bosch en(de) beempt/ voirts de voirs(creven) katlijne v(er)aliten huysvr(ouwe) jans bottelg(ier)s/ soe v(er)re dat hue(re)n kintsgedeelte van dien aengaet/ tot behoeff vanden selven vijff ande(re)n p(ar)tien voirs(creven)/ ger(e)nu(n)cieert en(de) v(er)tegen heeft ende mits des(er) r(e)nu(n)cieert/ en(de) verthijdt cor(am) eisd(em)