Item jan van leeuwe woenen(de) te leefdale ter/ eenre ende ka(tlij)[ne] mi(n)nens die als geleydt nae des(er)/ stadt recht tot allen den goeden beyde have ende/ erve gheerts cleynwercx huer hadde doen leve(re)n seke(r)/ goede te leefdale gelegen die de selve g(er)t ende zijn
//
wijff aldair houden(de) wae(re)n ende die de selve katlijn/ dair toe met vo(n)nisse van co(n)tumacie(n) gewesen/ zijnde bij voirgaen(de) proclamacie(n) hadde doen v(er)coepen/ op hoegen t(er) ande(re) nae dien p(ar)tien d(aer)o(m)me tegen/ malcande(re)n inde banck voe(r) meye(r) ende scepen(en) van/ loeven(en) een wijle tijts gedincst hebbe(n) gehadt/ Soe v(er)re dat nae seke(re)n thoen dair inne geleydt/ zijnde bevonden was dat doffic(ie)r vand(er) plaetsen/ ten v(er)sueke vand(er) selv(er) katlijne(n) thoemase loenijs/ die den slach creech vanden selve(n) coepe den selven/ slach voird(er) ende breeder gegeven hadde dan der/ selver ka(tlij)[ne(n)] recht ende actie van dien hen exten/ deerden want openbair bleeck dat die v(er)cochte/ goede ware(n) gecome(n) vand(er) zijd(en) van gheerts/ cleynwercx wive ende alsoe en conste dien coop/ niet lang(er) stadt gegrijpen dan alsoe lange g(er)t wae(r)/ man ende mo(m)boir van zijne(n) wive Wair o(m)me/ de selve van leeuwe die dien coop onthoeght/ hadde sustineerde der selv(er) coma(n)scap en(de) der xviii/ rinsgulden(en) oft eene(n) rinsgulden(en) erff(elijc) ongehoud(en)/ te zijne het en wae(re) dat hem gedaen wordd(en)/ goede guedinge vand(er) p(ro)p(ri)eteyt en(de) erfdom d(er) selv(er)/ goede dair op der selv(er) ka(tlij)[ne(n)] beleydt niet/ op en sloech mits den reden(en) voirs(creven) Sijn/ comen voir scepen(en) van loeven(en) nabescreven/ kynnen(de) en(de) lijden(de) dat zij met malcande(re)n ov(er)come(n)/ zijn aengaen(de) der selv(er) questien en(de) gescille(n) der/ pointen h(ier) nae volgen(de) die zij malca(n)de(re)n geloeft/ hebben tonthouden(e) o(n)verbreckelijck Inden yersten/ es de voirs(creven) jan gesceyden vand(er) voirs(creven) co(m)ma(n)scap/ die he(m) bij onthogen(en) gelijc voe(r) bleven was/ acht(er)volgen(de) den slage die de voirs(creven) thomaes
//
loenijs gelijc voe(r) gedaen hadde Scelden(de) de/ selve katlijne als geleydt d(aer)aff quijte behalven/ alleen(e) ende h(ier)inne v(er)sien dat hij blijft ongehind(er)t/ in zijne(n) rechte en(de) gued(inge) vand(en) (½) boend(er) lants gelegen/ te leefd(ale) opten h(er)twinckele neve(n) weerberch om/ dat als zijn proper erve yerst nae gheerts cleyn/ wercx doot erffel(ijc) te behouden Welck (½) boender/ de selve jan van nu voirtaene gheerts leefdage/ lanck van hue(r) te pachte genomen heeft jairlijcx/ om ende voe(r) vi mol(evaten) corens pag(abilis) cu(m) va(n)no me(n)s(ur)[e]/ lovan(iensis) der selv(er) katlijne(n) mi(n)i(n)cx s(in)[te] andriesmesse/ apostels te betalen ende te loeven(en) der selver ka(tlij)[ne(n)]/ te leve(re)n tot hue(re)n huyse quol(ibe)t ass(ecu)[tu(m)] rnde heeft/ hue(r) geloeft tselve lant gheerts leefdage lanck loffel(ijc)/ te wynne(n) te werven ende te mesten gelijc regenoeten/ boven ende beneden Ende de selve katlijne sal met/ hue(re)n beleyde moegen sueken huer voird(er) scult op g(er)de/ cleynwerc en(de) zijn oft zijns wijfs and(er) goede dair zij/ die sal moegen bevi(n)den ombelet vanden selven ja(n)ne/ van leeuwe Ende de costen in w(er)sijden bij p(ar)tien gedaen/ sulle(n) wordden ge(com)penseert ende bliven quijt deen/ tegen dand(er) ende h(ier)mede sal v(er)smelten doot ende/ te nyeute zijn alsulke gedinge alse zij tegen malca(n)de(re)n/ gehadt hebben gelijc voe(r) inde banck voir meye(r) ende/ scepen(en) van loeven(en) Ende de selve katlijne heeft/ geloeft den voirs(creven) janne met hue(re)n beleydde int/ selve half boend(er) lants te houden desselfs g(er)ts cleynwercx/ leefdage lanck cor(am) buets(ele) baets januarii t(er)cia