Tusschen pete(re)n van scottenputte inden pau t(er) eend(er)/ en(de) janne vanden berghe metse(r) t(er) ande(re) comen(de) tegen/ malcande(re)n voe(r) den raide vand(er) stadt om eens/ / bornputs wille die de selve pet(er) van sijns selfs stoffen/ aenden selven janne verdinct hadde te maken inde/ scaelgie van sijnen huyse gelegen inde coestrate/ naist den cardinale ende d(aer)aff hij den selve(n) janne/ hadde voldaen naevolgen(de) hue(re)r vorw(er)den en(de) volbetaelt/ soe dat hij hem d(aer) aff niet en conste geeyssche(n)/ ende al waist soe dat de selve pet(er) dien loflijc/ en(de) werckelijck gemaict ende d(aer)aene gheen(en) cost/ gespairt en woude hebben soe docht hem dat/ de selve jan hem d(aer) inne niet wel en hadde/ gequeten Hadde d(aer)o(m)me den selven putte beyde bij/ meeste(re)n alarde der stadt meest(er) ende oick bijd(en)/ geswoiren(en) vand(en) meest(er)s ambachte gevisiteert/ geweest die ov(er)bringen(de) bijd(en) raide vand(er) stadt/ bij hue(re)n eeden des zij d(aer)inne bevonden hadde(n) Es/ bij hen bevond(en) ende wordt bij hen merckelijck/ geclairt bij eede dat zij dien putte wel ende/ scarpelijck oversien ende gevisenteert hadden en(de) hen/ drien ende elken besund(er)t docht ende was waer/ dat desen putte niet wel noch werckelijc gemaict/ en es want die stootvuegen vele te groot zijn/ ende te wijde gapen van een ende oic dat die/ serken ende steenen tot vele plaetsen uuytpuylen en(de)/ ende steken buyten loote ende hange(n) deen over dande(r)/ en(de) oic [vacat] oft yser tussche(n) die sloet vuegen/ inne steet alsoe verre oft diepe alsmen wilt cleeden/ oic de selve dat de steene(n) dair toe gedaen wel/ wae(re)n om goet loffelijc werck d(aer)aff te maken Welck/ clairnisse rappoirt en(de) visitatie aldus gedaen en(de)/ ov(er)bracht zijnde ende de voirs(creven) p(ar)tien deen tegen/ dand(er) gehoirt dair pet(er) sustineerde dat dien/ niet loflijc noch werclijc gemaict en was tende(re)nde/ d(aer)toe dat dien loflijc en(de) werckelijc bijd(en) selve(n)/ janne wordde h(er)maict ende den voirs(creven) janne de/(contra)rie meynen(de) d(aer)aff genoech gedaen te hebben naede/ stoffe die d(aer) toe was gelevert D(aer) tegen peeter/ / sustineerde neen te voirde(r) want hij janne met/ sijne(n) brued(er) hadde laten weten dat hij dien putte loflijc/ woude hebben gemaict en(de) egheen(en) cost d(aer)aen gespaert/ en woude hebben Es uuytgesproken bijden raide/ vanden stadt p(ar)tien int lange gehoirt dat de voirs(creven)/ jan vand(en) berge gehouden sal zijn den selve(n) putte/ loffelijc te h(er)maken en(de) rep(ar)e(re)n soe dat behoirt act(um)/ in (con)s(ili)[o] op(idi) p(rese)ntib(us) borch sub(stitu)[to] zande burg(imagis)[tr(is)] borch/ tymple baets scab(inis) et plu(r)ib(us) aliis de (con)s(ili)[o] januarii xxvii