Item opt versueck dat willem van hove rintm(eeste)r/ der stadt van loven(en) inde banck voir meye(r) en(de) scepen(en)/ van loeven(en) gedaen heeft met zijne(n) gelev(er)den voirspr(eke)/ tegen anth(onise) van houthe(m) o(m)me te comen(e) en(de) gewijst te/ wordden dat hem zijne(n) erfpacht van vier mudden/ corens thiensscher maten verpant wordden behoirl(ijc)/ naed(en) stadt recht van loeven(en) Te voirde(r) mits der/ faulten ind(er) v(er)onderpandingen hem te lynthe(r) gesciet/ bevonden in dien dat die ond(er)pande wae(re)n leen/ goede oft dat de selve van houthem gedoempt/ he(m) zijn pe(n)ni(n)ge(n) te restitue(re)n met coste en(de) co(m)me(r) Te/ voirde(r) oic want die panden die anth(onis) hem nu/ stellen woude wae(re)n gelegen buyten der ba(n)mijlen/ van loeven(en) onder tvo(n)nisse van thienen en(de) in veele/ cleyn crappe(n) en(de) p(ar)ceelen die vele souden moten/ costen uuyt te daigen(e) ende de goede die hij te/ voe(re)n gehadt hadde wae(re)n grote p(ar)ceelen in twee/ stucken alleen(e) gelegen onder tvo(n)nisse van loeven(en)/ Hopen(de) dat hem dat sculdich wae(r) alsoe te gebue(re)n/ ende dat de selve van houthe(m) v(er)steken soude zijn/ van meer daigs te hebben(e) o(m)me e(n)nige voirde(r)/ thoenisse te leyden gemerct dat zijne(n) dach van dien/ wel omtr(ent) xiiii nachten overleden was D(aer)teghen/ wille(m) van leefdale als p(ro)cur(eur) vanden selven anth(onise)/ / van houthem sustineerde de (contra)rie besund(er)t want/ zijn meest(er) zijn devoir gedaen hadde o(m)me zijnen/ voirde(re)n thooen naiden voirvo(n)nissen te doene mair/ want de meye(r) van houthe(m) noetelijck te doen hadde/ gehadt bij m(ijn) hee(r) den cancell(ie)r van brab(ant) sonder den/ welken hij dat niet en hadde co(n)nen gedoen noch/ alnoch en soude hij en moest hebben een genechte/ soe versocht hij voirde(re)n dach o(m)me de selve voirde(r)/ cleernisse in dien te doene hopen(de) dat he(m) dien/ wordden soude hem des gedragen(de) totten rechte/ Dair tegen willem replice(re)nde sustineerde de (contra)rie/ soe v(er)re dat de scep(enen) h(ier)op gemae(n)t wesen met vo(n)nisse/ dat de selve van houthem h(ier)toe noch hebben soude/ eene(n) dach van xiiii nachten een voir al o(m)me d(aer)aff/ te doce(re)n in scampno cor(am) h(er)meys borch tymple baets/ januarii ultima