Item m(ar)griete sweev(er)s weduwe henricx wijle(n) de/ greve woenen(de) te turnhout opde broeczijde t(er) eend(er)/ ende peet(er) vanden veken(en) woenen(de) oic ald(aer) ter ande(re)/ sijn come(n) voir scepen(en) van loeven(en) h(ier) nae bescreven/ kynnen(de) ende lijden(de) dat zij met malcande(re)n overcomen/ zijn der vorw(er)d(en) ende cond(itien) naebescreven die zij malca(n)/ deren geloeft hebben tond(er)houden(e) en(de) te voldoen(e) Inden yersten/ dat de selve pet(er) ter stont metter selv(er) m(ar)grieten sal/ gaen inne woenen en(de) gelijc en(de) met huer gebruycken/ en(de) slijten alle de gereede en(de) haeffelijcke goede der selv(er)/ m(ar)grieten die zij heeft en(de) besittende is soe lange de/ selve m(ar)griete leven sal ende desgelijcx oic sal de selve/ pet(er) hebben ende aenveerden t(er) stont alle de erff(elijcke) goede/ en(de) rinten der selv(er) m(ar)gr(ieten) die zij heeft ende besittende/ es hue(r) leefdage lanck en(de) al in sulken rechte alse/ zij die naed(er) bancken recht d(aer) ond(er) die gelegen zijn/ die houden(de) is Ende metten p(ro)fijten vand(en) selven/ erff(elijcke) goeden gecomen en(de) jairlijkcx hue(r) leefdage lanc/ comen(de) sal hij moegen doen sijne(n) vrijen eygen(en) wille/ ende des sal hij die goede moeten ond(er)houden van/ rep(ar)acien en(de) ontlasten hue(r) jairlijcx huer leefdage/ lanck vanden co(m)me(re)n d(aer) uutgaen(de) gelijc zij dat selve/ soude moten doen Ende nae hue(r) doot sullen [alle] die/ selve goede have erve ende rinten gaen d(aer) zij sculd(ich)/ sulle(n) zijn te gaen(e) naed(en) lantrechte behalve(n) dat/ de selve peet(er) de naiste oft yerste vruchten en(de) p(ro)fijte(n)/ vanden erfgoeden nae hue(r) doot v(er)schijnen(de) sal hebbe(n)/ en(de) aenveerd(en) oic tot zijnen p(ro)fijte oft ten mi(n)sten/ dat hem bijd(en) erfgenamen van dien die die/ goede aenveerd(en) souden sulle(n) voldaen wordden/ alsulken arbeyt en(de) wyni(n)ge coste(n) en(de) lasten alse hij/ voe(r) dat jair ende o(m)me die vruchten te crijgen d(aer)aen/ d(aer)aen gedaen hadde t(er) rechtv(er)dig(er) estimacie(n) en(de) redel(ijcker)/ taxacien van goeden ma(n)nen hen des v(er)staen(de) ende t(er)/ and(er) zijden dat de selve peet(er) in r(e)co(m)pens(ien) van des(er)/ / gehouden sal zijn hier voe(r) de selve wed(uw)[e] huere/ leefdage lanck te houden redelijc ende tamelijck/ nae hue(re)n staet van eten(e) ende drincken(e) cleeden(e)/ scoeyen(e) liggen(e) sitten(e) en(de) ande(re)n nootelijck(er) behoeften/ al sonder fraude en(de) argelist ende oft d(aer) gebrec/ inne viele dat dan oic ter and(er) zijden dit/ tegewoirdich contract in hem selven niet sijn en/ soude mair van onweerden als oft dat niet/ gesciet en wae(re) cor(am) borch ut(er)hellicht febr(uarii) x[a]