Item joh(ann)es egnoy sone wijlen jans in p(rese)ntia/ heeft bekint ontfangen te hebben(e) van henricke/ egnoy al(ia)s henrot woenen(de) s(in)[t] jans gheest in afcor/ tingen vand(er) so(m)men van xlvi rinsg(ulden) te xx st(uvers) tstuc/ die hij den selven joh(ann)ese bekint schuldich te zijne/ van geleenden gelde de stucken en(de) p(ar)ceelen nae/ bescreven Ierst drie p(er)den voe(r) xxiii rinsgulden(en)/ It(em) twee coeyen voe(r) seven rinsg(ulden) It(em) drie verken(en)/ voe(r) xvi stuv(er)s It(em) een ploech een eeghde en(de) ande(r)/ harnasch d(aer) toe behoiren(de) voe(r) xxiiii st(uvers) It(em) een bedde/ voe(r) vijftich stuv(er)s It(em) heeft de selve henrick den/ voirs(creven) joh(ann)ese ov(er)gegeven en(de) mits des(er) gheeft over/ / inde stadt vanden surplus vand(er) voirs(creven) so(m)men van/ xlvi rinsgulden(en) alle alsulk(en) scapen als de selve henr(ic)/ en(de) jan de smet van s(in)[t] jans gheest tsamen houden/ ter hellicht van gregorio den bastart alsoe v(er)re dat/ zijne(n) gedeelte vanden selven scapen aengaet Behalve(n)/ dat d(aer)enboven de voirs(creven) joh(ann)es betalen sal van wegen/ des voirs(creven) henr(ix) piro du pont de so(m)me van tusschen/ vier (en)de vijff r(ins)g(ulden) die henr(ic) den selven pirot/ schuldich sal zijn ts(in)[t] jansmisse naistc(omende) uuyt saken/ van seke(re)n thienden die hij van hem gehouden heeft/ toebehoiren(de) den cloeste(r) van euwie(r)s Ende es oic/ vorw(er)de dat de voirs(creven) joh(ann)es de selve thiende d(aer)af/ henr(ix) jairschae(re)n noch due(re)n van s(in)[t] jansmesse naistc(omende)/ over twee jair hebben ende aenverden sal tzijne(n)/ p(ro)fijte ende henr(icke) voirs(creven) ontlasten d(aer)aff cor(am) h(er)meys/ buets(ele) febr(uarii) xxvi