Item henr(ic) smet sone wijle(n) wout(er)s [gehete(n) op te(n) berch] woenen(de) te/ libbeke heeft genomen ende bekint genomen te hebben(e)/ tegen goerde vanden berge thoff te wervelt geleg(en)/ den selven goirde toebehoiren(de) van nu halfm(er)te/ naistcomen(de) eene(n) t(er)mijn van negen jae(re)n lanc due(re)nde/ deen nae dand(er) sond(er) middel vervolgende Behalven/ dat zij van malcande(re)n sullen moegen scheyden oft/ yeman(de) van hen geliefde van drie jae(re)n te drie/ jae(re)n behoud(elijc) dat de ghene die alsoe scheyden sal/ willen dat hij dat den ande(re)n sculdich sal zijn/ een half jair te voe(re)n te cundigen en(de) op te segghen/ ende dat te houdene ter hellicht wynni(n)gen van/ allen vruchten ende die opt velt te deylen(e) ende/ dan des voirs(creven) goerts deel ierstw(er)ff in te voeren/ alst gebonden is van een(en) stucke It(em) sal de voirs(creven)/ win jairlijcx hebben voe(r) uuyt in die stortte een half/ boend(er) lants niet vanden archsten noch vanden besten/ om d(aer)op te saeyen crocke pastue(re) ende dat hem/ gelieven sal ende eest dat hijs meer saeyt soe/ sal goirt alsoe vele somercorens hebben van gelijk(er)/ / plaetssen Item sal de wynne oic jairlijcx voir uuyt/ hebben inde brake een dach(mael) lants om pastue(re) d(aer)op/ te saeyen voe(r) de p(er)de ende des sal de wynne goirde/ moten bereyden dlant tot eene(n) halste(r) lijsaets/ dat goirt d(aer)toe sal moten leve(re)n voir goirde alleen(e)/ en(de) de wynne sal oic soe vele d(aer) toe moegen besayen/ tot zijne(n) p(ro)fijte It(em) sal die wynne voirs(creven) alle die/ lande wynnen ende mesten gelijc regenoeten ende met/ zijne(n) getidige voe(re)n It(em) alst coren tijtverdich es te/ bynden(e) soe sal die voirs(creven) goirt d(aer) in thoff eene(n) synden/ om die bande te slaene ende tot zijnd(er) hellicht toe/ te siene It(em) soe salmen jairlijcx coopen dertich ma(n)delen/ stroes ende d(aer) aff soe sal goirt die tweedeelen/ betalen ende de wyn dat derde deel ende hij saelt/ haelen dair ment coept sonder goirts cost It(em) men/ sal jairl(ijcx) totten voirs(creven) goede coepen xii oft xv voed(er)/ mest opdats behoeft ende d(aer) aff sal de wyn oic/ tderdel bet(alen) sal ende goirt die tweedeele(n) It(em) de/ wyn sal jairlijcx mergelen een boend(er) lants ende/ altijt met xxiiii oft xxv voede(re)n mergels ende/ dien m(er)gel sal goirt op die cuyle bet(alen) It(em) hij sal/ den wynne tot elken boende(r) geven een mudde/ even(en) voir zijn p(er)de It(em) sal de wyn jairlijcx houden/ een hondert oft iii vie(re)ndeel scape It(em) sal de wyn/ jairlijcx leve(re)n twee hond(er)t leve(re)n walms om ald(aer)/ int hoff te verdecken(e) It(em) oft goirt e(n)nigen walm/ cochte om in thoff te v(er)decken(e) dien sal de wyn/ naird(er) halen ende oic allen den leem steen(en) ende/ and(er)ssins totten ouden w(er)cke It(em) oftmen e(n)nighe/ erwijten saeyde d(aer) aff sal goirt die hellicht va(n)d(en)/ saeyde leve(re)n It(em) sal de voirs(creven) wyn jairlijcx hebbe(n)/ die weye inden bruel tgroot eeussel achter thoff/ ende dov(er)ste eeussel in die diepe ende elckx/ jairs om achtien hollants gulden(en) te xvi st(uvers) tstuck/ / drie pl(a)c(ken) brab(ants) voe(r) den stuve(r) gere(re)kent tallen s(in)[te]/ m(er)tensmesse vallende ende bynnen meys o(n)begrepen/ volbet(aelt) te zijne It(em) sal de voirs(creven) wyn jairlijcx/ hebben zijn berringe op tvoirs(creven) goet aen de wynnen(de)/ lande ende eeussele die in zijnd(er) hueri(n)gen zijn uut/ gesceyden den cleynen boeg(ar)t ende aen strunckeyken/ en(de) vorlen sonder opgaen(de) houdt te sleenen It(em) sal/ de wyn alle de huysen houden vand(er) ond(er)ster/ rijkelen totter platen ende goirt salse hem yerstw(er)f/ vaste maken It(em) alle dat oeft dat opt voirs(creven) goet/ jairlijcx wassen sal dat selen zij te gelijcke deylen/ ende te gelijcke doen lesen sonder int hoefken acht(er)/ goirts huys aen dat wat(er)ken ende den cleyne(n) boeg(ar)t/ behalven den gheetsing inde grecht ald(aer) Van welken/ geetsinge de wyn de hellicht hebben sal dat sal/ goirt alleene hebben ende die wynne sal goirts/ deel hem te loeven(e) eest dat hijs opt tgoet niet en/ vercoep(er)t mair eest dat hijt v(er)coept soe sal de/ wyn der leveri(n)gen ongehouden zijn ende oft wint/ slach quame soe sal de wyn dat rapen en(de) dan selen/ zij dat te gelijcke deylen It(em) sal de voirs(creven) wyn/ alle de lande ten leste jae(r) wel gewo(n)nen ende/ besaeyt laten alsoe hij die aenveert heeft gelijc/ regenoeten Te weten(e) den roggen(en)art opt vier/ getijdige voren met wint(er)coren(en) besaeyt den/ somerart geheel behalven vijff dach(mael) geheeten/ den goluys hoff o(m)megedaen ende de stortte all/ eens o(m)megedaen It(em) oft gebuerde dat den voirs(creven)/ wynne in zijne(n) afscheyden(en) vand(en) voirs(creven) goede/ ov(er)bleve crocke oft hoy dat soude hij moeghen/ met hem voeren sonder yema(n)ts wed(er)seggen Item/ alsoe v(er)re de wynne ten afscheyden(en) vanden hove/ / niet betailt en hadde dweygelt dat op zijn leste/ jair als hij d(aer) aff toech vallen soude dat hij goirde/ dat sculdich sal zijn te betalen(e) eer hij aftrect niet/ tegenstaen(de) dat hij gelijc voe(r) dach heeft tot halfmeye/ ten zij dat hij goirde sulken borchtocht d(aer) voe(r) stelle/ d(aer)mede hij te vreden zij It(em) de voirs(creven) goirt heeft/ geleent den wynne twee mudden rogs vijf mudden/ even(en) ende een mudde g(er)sten die de wynne geloeft/ heeft goirde te betalen(e) bynnen drie jae(re)n naistc(omende) t(am)q(uam)/ ass(ecu)[tu(m) En(de) alle dese vorw(er)d(en) (et)c(etera)] cor(am) h(er)meys hellicht m(ar)tii nona