Vander questien gecome(n) bijden raide vand(er) stadt/ tusschen balthasar de courtais t(er) eenre en(de) goirde/ rogge heynen ende claese van raveschote gebruede(re)n/ ende janne wante ma(n)demake(r) t(er) ande(r) zijden ae(n)gaen(de)/ seke(r) v(er)leeghde pe(n)ni(n)gen loepen(de) t(er) so(m)men van xxi/ rinsgulden(en) drie stuv(er)s een bl(an)c die de selve baltasar/ voir tgeselscap vanden pensoen h(ier) voirmaels v(er)leet/ heeft ende d(aer) aff hij den selven goede rekeni(n)ge/ gedaen heeft ind(er) feesten lestw(er)ff tantw(er)pe(n) gehouden/ / bege(re)nde d(aer) aff vanden selven bet(aelt) te wordden(e) besu(n)d(er)[t]/ vanden voirs(creven) vier p(er)soenen want tgeselscap hem/ toegegeven hadde om tot zijne(n) pe(n)ni(n)gen te gerake(n)/ dat hij vier p(er)soenen uten selven geselscape soude/ moegen uutnemen die hem sijn bet(alinge) doen souden/ en(de) die v(er)halen aende ghene die die sculdich wae(re)n/ te betalen te weten(e) aen die vanden selve(n) geselscape/ hopen(de) alsoe dat zij hem d(aer)aff v(er)nuegen souden/ te voirde(r) want hij lange gebeyt hadde ende/ notelijck behoeven(de) was seke(r) pe(n)ni(n)gen Dair/ tegen de voirs(creven) vier p(er)soenen excipieerd(en) ende/ seyden dat zij thoenen wouden dat de voirs(creven)/ balthasar aengenome(n) hadde ende d(aer) mede te/ vreden geweest dat hij tgedeelte van zijne(n)/ pe(n)ningen voirs(creven) soe v(er)re dat den brued(er)s aengaen/ mochte ind(er) selv(er) geselscap wesen(de) dat hij die selve/ aen hem v(er)halen soude ende alsoe hoepten zij/ dat zij d(aer)inne niet gehouden en souden wesen/ Ende soe v(er)re dat der geselscap and(er)ssins aenghinck/ verwonderden zij hen dat zij d(aer) mede meer belast/ souden wordden dan dande(r) om zijn pe(n)ni(n)gen te/ vergade(re)n al mocht geconsenteert zijn als boven bijd(en)/ gemeyne(n) geselscape dat hij vier p(er)soenen soude/ moegen nemen hopen(de) alsoe t(er) (contra)rien d(aer)aff/ ongelast te bliven Es geappointeert en(de) uutge/ sproken bijden voirs(creven) raide dat de voirs(creven)/ vier p(er)soenen gehouden sullen zijn den voirs(creven)/ balthasar de voirs(creven) so(m)me te betalen(e) te weten(e)/ alle weken eene(n) pet(er) innegaende in sondaige/ naistcomen(de) totter vold(er) betalingen der selv(er) so(m)men/ op conditie wair zijt xiiii nachten lieten ov(er)/ gaen dat dan de geheele so(m)me gevallen soude/ wesen en(de) d(aer) aff sullen de voirs(creven) vier p(er)sonen/ moten hue(r) diligen(cie) doen om die pe(n)ni(n)g(en) te/ crijgen aende gene die d(aer)inne gehouden souden/ moegen wesen ende bij alsoe d(aer) yema(n)t wae(r)// die weygeri(n)ge maecte dat zij de selve met/ rechte d(aer)toe vervolgen sullen H(ier)inne oick v(er)sien/ want de voirs(creven) vier p(er)soenen hen thoenisse v(er)meten/ hebben als voe(r) aengaende den brued(er)s dat hen dat/ te baten comen sal soe v(er)re zij huers v(er)meets in/ dien volcomen ende d(aer) aff vanden advena(n)t der selv(er)/ so(m)men o(n)gelast bliven soe v(er)re dat den brued(er)s aen/ cleven mochte ende and(er)s niet dair toe zij/ dach genomen hebben van thoene en(de) om tselve te/ doen blijcken op in goensdaige naistcomen(de) in/(con)s(ili)[o] opidi m(ar)tii ultima