Want willem van hove als geleydt nae des(er) stadt/ recht voir zijn wettich gebrec uuyt crachte van scepen(en)/ br(ieven) van loeven(en) tot allen den goeden beyde have en(de)/ erve he(re)n yweyns wijlen van houthem ridders en(de)/ anthonijs van houthem zijns soens soe wair die/ gelegen zijn hem met br(ieven) van des(er) stadt gescreven/ aenden meye(r) van houthem oft zijne(n) stadhoude(r) alle/ de selve goede behoirlijc heeft doen leve(re)n en(de) den/ voirs(creven) anth(onijse) ende ande(r) dach van rechte te comp(ar)e(re)n/ alh(ier) inde banck voe(r) meye(r) ende scepen(en) van lov(en)/ doen bescheyden oft zij hen d(aer) tegen hadde willen/ oppone(re)n Ald(aer) hij op heden als ten v(er)streken(en) daige/ van rechte niet gecomp(ar)eert en es noch niema(n)t/ van zijne(n)t wegen den voirs(creven) geleydden comp(ar)e(re)nde/ en(de) trecht voirts v(er)sueken(de) soe v(er)re dat de scepen(en)/ van loeven(en) t(er) manissen smeyers nae dat hen behoirl(ijc)/ gebleken heeft bij rapporte giel(is) eveloege des(er) stad/ bode tvoirs(creven) exploit behoirl(ijc) gesciet te zijne gewese(en)/ hebben vo(n)nisslijc wair de wed(er)p(ar)tie vanden voirs(creven)/ geleydden niet en comp(ar)eert voe(r) den opstaen(en) smeyers/ ende der scepen(en) datmen den selve(n) geleydden vand(en)/ voirs(creven) goeden houden soude inde macht van zijne(n)/ beleyde scepen(en) br(ieven) ende leveri(n)gen alsoe v(er)re alst noch/ voir scepen(en) comen is ten zij dat de wed(er)p(ar)tie doe/ blijken ten naisten daige van rechte dat hij e(n)nige/ p(ro)cur(eur)s voe(r) datu(m) van desen om dit te v(er)antw(er)den/ wettelijc gestelt heeft genoech zijnde in welken/ gevalle des(er) niet wed(er)staen(de) de selve wed(er)p(ar)tie in/ rechte ontfae(n)bair sal zijn om alnoch tantw(er)d(en) in/ scampno augusti xxv