Item giel(is) van cortbeke geheeten mu(n)te(re) en(de)/ sofie cyp(er)s zijn huysvr(ouw) in p(rese)ntia hebben/ gekint en(de) gelijdt ov(er)gegeven te hebben ende/ mits des(er) geven over he(re)n gielijse van cortbeke/ geheeten mu(n)te(re) prieste(r) hue(re)n sone hue(r) voirheffen/ dwelc zij he(m) ger(e)s(er)veert hebben inde lijfrinten/ naebescreven die zij voirmaels v(er)crege(n) hebben/ met div(er)sen brieven soe opde stad van loeven(en)/ soe opde stadt van diest en(de) dingeseten(en) der selv(er)/ twee steden met oick allen den acht(er)stellen en(de)/ v(er)loepen(en) rinten vand(en) selve(n) lijfrinte(n) totten/ dage toe van heden d(aer)aff gevallen en(de) ombetaelt/ uuytstaen(de) ende dit om deswille dat zij bege(re)n
//
den selven he(re)n gielijse hue(re)n sone te v(er)siene ende/ alsoe vele te geven alse zij henr(icke) van cortbeke/ geheeten mu(n)te(re) oic hue(re)n sone ende brued(er) des/ voirs(creven) he(re)n giel(is) te huwelike gegeve(n) moegen/ hebben Ende yerst van vier rinsg(ulden) lijfpen(sien)/ staen(de) ten live der voirs(creven) sophien en(de) he(re)n giel(ise)/ huers soens et sup(er)stit(is) vallen(de) half p(rim)[a] ap(ri)lis/ en(de) half p(ri)ma octobr(is) v(er)cregen opde voirs(creven) stadt/ van loeven(en) p(rim)[a] octobr(is) a(n)no lxxxii It(em) van/ vier rinsgulden(en) [lijfpen(sien)] staen(de) ten live der voirs(creven) sophien/ ende henr(icke) huers soens et sup(er)stit(is) vallende/ en(de) v(er)cregen opde voirs(creven) stad van loeven(en) ende/ dingeseten(en) der selv(er) ten t(er)mijne(n) en(de) jae(r) voirs(creven)/ It(em) noch van vier rinsg(ulden) lijfpen(sien) staen(de) ten live/ der voirs(creven) sophien en(de) wijlen katlijne(n) huerd(er)/ docht(er) et sup(er)stit(is) oic vallende en(de) vercregen/ opde voirs(creven) stadt van loeven(en) ten selven/ t(er)mijne(n) en(de) jae(r) voirs(creven) It(em) van thien scelli(n)ge/ oud(er) grote(n) tournoyse(n) lijfpen(sien) staende ten live/ des voirs(creven) giel(is) en(de) h(er) giel(is) zijns soens vallen(de)/ halff xiiii nove(m)br(is) en(de) halff xiiii maii v(er)creg(en)/ opde voirs(creven) stadt van diest en(de) dingeseten(en)/ der selv(er) op ten xiiii[te(n)] dach van mey a(nn)[o] lxxxv/ It(em) noch van thien gelijcke scelli(n)g(en) lijfpen(sien) ten/ live van sophien cyp(er)s ende wijlen katlijnen/ huerd(er) docht(er) voirs(creven) vallen(de) ende v(er)cregen opde/ voirs(creven) stadt van diest en(de) dingeseten(en) der/ selv(er) ten t(er)mijne(n) en(de) jae(r) gelijc dese voirgaen(de)/ thien scelli(n)ge lijfrinten voirs(creven) vallen(de) ende/ vercrege(n) zijn opde selve stad van diest en(de)/ dingeseten(en) der selv(er) It(em) noch van vijfthien
//
gelijcke scelli(n)ge lijfrinten vallende half xii/ decembr(is) ende halff xii junii staende ten live/ der voirs(creven) he(re)n giel(ise) ende henr(icke) van cortbeke/ gebruede(re)n v(er)cregen opde voirs(creven) stadt van dyest/ en(de) dingeseten(en) der selv(er) xii junii a(n)no lxxxviii/ It(em) van noch vijfthien gelijcke scelli(n)g(en) lijfrinte(n)/ staende ten live(n) der voirs(creven) henr(icke) en(de) wijlen/ katlijne(n) zijnd(er) zust(er) vvallende ende vercreg(en)/ opde voirs(creven) stadt van diest en(de) dingeseten(en)/ der selv(er) gelijc dese leste voirgaen(de) xv/ scelling(en) lijfrinten voirs(creven) vallende en(de) v(er)cregen/ zijn It(em) noch hebben de selve giel(is) en(de) sophie/ zijn huysvr(ouw) ingelijcx ov(er)gegeven en(de) mits/ desen geven over den voirs(creven) he(re)n giel(ise) hue(re)n/ sone de hellicht van alsulcken vijff lichte/ gulden(en) erff(elijck) als zij heffende zijn op seke(r)/ goede gelegen te lu(m)pnen onder de brabantsche/ eerde toebehoiren(de) den erfgenamen mathijs/ wijlen crem(er)s geheeten van lu(m)pnen om/ de selve lijftochtrinten ende oic de hellicht/ vand(er) voirs(creven) erfrinten van nu voirtaene/ met oic allen den acht(er)stellen en(de) v(er)loepen(en)/ rinten d(aer) aff gevalle(n) ende ombet(aelt) uutstaen(de)/ totten daige toe van heden Te mane(n) teyssche(n)/ optebue(re)n en(de) tontfangen [quitan(cie) te geven] en(de) zijn p(ro)fijt dair/ mede te doene ende ofts noot zij die/ met rechte texeque(re)n ende te vervolghen/ gelijc zij selve oft dit ov(er)geven niet en/ wae(r) geschiet souden moegen doen ende dit/ soe lange als de selve giel(is) en(de) sophie zijn/ huysvr(ouw) beyde leeven sullen oft deen van hen
//
beyden leven sal Met conditie(n) nochtan in/ alsoe v(er)re de voirs(creven) h(er) gielijs aflivich wordde/ voe(r) zijne voirs(creven) vader ende moeder dat in/ dien gevalle de selve gielijs en(de) zijn huysvr(ouw)/ wed(er)o(m)me hue(r) voirheffen inde voirs(creven) lijfftocht/ rinten hebben ende behouden sulle(n) soe langhe/ zij leven sulle(n) oft deen van hen beyden leve(n)/ sal gelijc zij hadden voe(r) dit tegewoirdich/ overgeven Behoudelijc dien oic in alsoe v(er)re/ de selve h(er) giel(is) zijne(n) vad(er) ende moeder voirs(creven)/ ov(er)leefde dat in dien gevalle de voirs(creven) lijfrinte(n)/ toecome(n) sulle(n) nae huerd(er) beyder doot den ghenen/ dien zij die met testame(n)te gemaict oft and(er)ss(ins)/ d(aer) aff gedisponeert sullen moegen hebben Behalve(n)/ nochtan dat de lijfrinte(n) d(aer) aff zij alsoe niet/ gedisponeert en hadden bynne(n) huerd(er) levender/ tijt alleene toecome(n) ende volgen sullen nae/ huerd(er) beyder doot den ghene(n) dien die nae/ begrijp vand(en) br(ieven) d(aer) aff zijnde (com)pete(re)n en(de)/ toebehoe(re)n sullen ende aengaen(de) der erfrinte(n)/ voirs(creven) dat die nae de doot des voirs(creven)/ giel(is) ende zijnd(er) huysvr(ouwe) toecomen sal hue(re)n/ voirs(creven) kynde(re)n nae den lantrechte ten wae(re)/ dat zij d(aer) aff bynne(n) hue(re)n leven(en) gesamend(er)/ hant and(er)ssins disponeerden soe zij doen moge(n)/ oft hen gelieft o(m)me die nae huerd(er) beyder/ doot elswair te bliven ende bekeert te wordden/ cor(am) h(er)meys borch oct(obris) viii[a]