Want yweyn stevens als geleyt nae des(er) stadt/ recht voir zijn wettich gebreck uuyt crachte van/ scepen(en) br(ieven) van loeven(en) tot allen den goeden/ beyde have en(de) erve gielis wijlen de rode/ geheeten gielijs soe wair die gelegen zijn/ hem met eene(n) open(en) br(ieve) van des(er) stadt gescr(even)/ aen alle officie(re)n alle de selve goede behoirlijc/ heeft doen leeve(re)n ende den erfgenamen wijlen/ des voirs(creven) giel(is) dach van rechte te co(m)p(ar)re(re)n/ inde banc voe(r) meye(r) ende scepen(en) van loeven(en)
//
doen besceyden oft zij hen d(aer) tegen hadden wille(n)/ oppone(re)n Ald(aer) zij op heden als ten v(er)streken(en) daige/ van rechte niet gecomp(ar)eert en zijn noch niema(n)t/ van hue(re)nt wegen den voirs(creven) geleydden co(m)p(ar)e(re)nde/ ende trecht voirts v(er)sueken(de) soe v(er)re dat de/ scepen(en) van loeven(en) t(er) manissen smeyers nae/ dat hen behoirlijc gebleken heeft bij r(e)sc(ri)pte/ vanden meyers m(ijns) he(re)n van gemblours ende/ van sombreff tvoirs(creven) exploit behoirlijck/ gesciet te zijne gewesen hebben voir een vo(n)nisse/ wair de wed(er)p(ar)tie vand(en) voirs(creven) geleydden niet/ en comp(ar)eert voe(r) den opstaen(en) smeyers en(de) der/ scepen(en) datmen [den] selven geleydden vand(en) voirs(creven)/ goeden houden soude inde macht van zijne(n)/ beleyde scepen(en) br(ieven) ende leveri(n)gen alsoe v(er)re/ alst noch voir scepen(en) comen is in scampno/ octobr(is) xx[a]