Eene scheydinge ende deylinge geschiet ende gemaict/ zijnde tussche(n) he(re)n ende meeste(re)n janne wemeldingen
//
doctoir inden rechten he(re)n symon(e) sampeyn prieste(r)/ als mo(m)boirs van pete(re)n ende rogie(re)n wissonis nat(ur)like/ kynde(re)n meest(er)s roegiers wijlen wissonis rintm(eeste)r als/ hij leefde der cap(it)len van s(in)[te] pet(er)s te loeven(e) totter/ selv(er) mo(m)borien wettelijc gedeputeert ende gestelt/ bijd(en) eerw(er)digen hee(re) m(ijn) hee(re) den rectoir va(n)der univ(er)sit(eit)/ van loeven(e) t(er) eenre ende bruede(re)n janne collart/ brued(er) famillier vand(en) godsh(uyse) van tsh(er)togen dale/ inden name ende van wegen zust(er) marien wissonis/ gep(ro)fessijt inden selve(n) gods(huyse) oic docht(er) des voirs(creven)/ wijlen meest(er)s rogiers hebbende de selve brued(er)/ jan tot des naebescreven steet te doene behoirlijcke/ en(de) spe(ci)ale p(ro)cu(r)atie en(de) mechtich(eit) vand(er) abdissen en(de)/ co(n)vente desselfs godsh(uys) ond(er) de segele(n) vand(er) p(re)latu(r)en/ en(de) c(on)vente t(er) ande(r) zijd(en) op ende van den goeden/ erfpachten erfrinten lijfpen(sien) scatsculden en(de) haeff(elijcke)/ goeden den voirs(creven) drie kynde(re)n wissonis gelaten/ en(de) gemaict bijd(en) testame(n)te ende uut(er)sten wille desselfs/ wijlen meest(er)s rogiers huers vaders te deylen/ Soe zijn bleven ende gevallen den voirs(creven) bruede(re)n/ janne collart van wegen der voirs(creven) zust(er) marien/ wissonis inden name ende tot behoeff des voirs(creven)/ godsh(uys) van tsh(er)togendale de erfpachten lijfpen(sien) scat/ sculden en(de) ge(re)de goeden naesbescreven Ierst twee/ mudden core(n)s erff(elijc) aen ende op seke(re) goede ende/ onderpande toebehoiren(de) goirde van vileer gelegen/ onder bevekem oft d(aer)omtr(int) It(em) noch i(½) mudde core(n)s/ erff(elijc) aen ende op seke(re) goede ende onderpande/ oic den voirs(creven) goirde van viler toebehoiren(de) gelegen/ ond(er) bevekem voirs(creven) oft d(aer)omtrint It(em) noch vi halste(re)n/ corens erfpachts aen ende op seke(re) goede gelegen/ te longeville toebehoirende janne brombaix/ Item noch twee mudde(n) rogs lijfpen(sien) aen en(de) op seke(re)
//
goede henricx vanden poele gelegen te vroye(n)b(er)ghe/ Item noch de hellicht van xii rinsg(ulden) lijfpen(sien)[aen en(de) op de stadt van loeven(e)] staen(de)/ ten live der voirs(creven) sust(er) marie(n) en(de) pet(er)s wissonis/ met sulk(er) cond(icien) oft de voirs(creven) sust(er) marie aflivich/ wordde voe(r) den voirs(creven) pete(re)n hue(re)n brued(er) dat dan/ in dien gevalle der selver [sust(er)] marien hellicht der/ xii rinsg(ulden) lijfpen(sien) voirs(creven) bliven en(de) toecomen sal/ den selve(n) pete(re)n hue(re)n brued(er) ende oft pet(er) voir/ zust(er) marien aflivich wordde dat desselfs pet(er)s/ hellicht der selver lijfpen(sien) nae zijn doot oic blive(n)/ en(de) toecomen soude der selver suster marie(n) zijnd(er)/ sust(er) aen ende op de stad van loeven(e) d(aer) aff/ dand(er) hellicht den voirs(creven) pete(re)n wissonis alleen(e)/ toebeh(oerende) es It(em) noch sal sust(er) marien volgen de/ hellicht van alsulken acht(er)stelle(n) alse de selve/ stadt van loeven(e) t(er) causen vand(en) voirs(creven) xii/ rinsgulden(en) lijfpen(sien) totten daige toe van heden/ sculdich ende tachter is Item noch xii [rinsg(ulden)] eens/ die tvoirs(creven) capittel van sinte pet(er)s te loeven(e)/ den selve(n) wijlen meeste(re)n rogie(r) sculdich bleven/ is nae uuytwijsen(e) vand(en) besceyde d(aer)af zijnde/ It(em) noch xxv rinsgulden(en) eens gereets gelts It(em)/ eene silve(re)n schale It(em) twee silve(re)n croesen en(de)/ twee silve(re)n lepels Ende mits des(er) deyli(n)gen/ voirs(creven) sal tvoirs(creven) godsh(uys) van tsh(er)togen dale/ te vreden moten staen ende heeft de voirs(creven)/ brued(er) jan inden name vand(en) selve(n) godsh(uyse)/ geloeft d(aer) mede te vreden te zijne en(de) te blive(n)/ tot eeuwigen daigen alse voe(r) tp(ar)t en(de) portie/ rechte en(de) actien der voirs(creven) zust(er) marien oft/ den voirs(creven) godsh(uyse) van hue(re)n wegen co(m)pete(re)nde/ uuyt saken vand(en) voirs(creven) testame(n)te oft and(er)ss(ins)/ in e(n)nig(er) manie(re)n sonder in toecomen(de) tijden/ e(n)nich voird(er) recht oft actie uuyt saken/ van dien e(n)nichssins te p(re)tende(re)n En(de) den voirs(creven)
//
pete(re)n ende rogie(re)n wissonis gebruede(re)n ten bijsijne/ ende met wille weten(e) ende (con)sente vand(en) voirs(creven)/ hue(re)n mo(m)boirs zijn bleve(n) ende gevallen tsame(n) in/ huer deylinge de goede lijfpens(ie) ende scatsculden nae/ bescreven Te weten(e) ierst vie(re)ntwintich rinsgulden(en)/ lijfpen(sien) aen ende opde stadt en(de) ingesetene(en) der stad/ vand(er) gouwe(n) staen(de) ten live der selv(er) gebruede(re)n/ It(em) noch seke(re) erfgoeden gelegen bijd(er) gous int/ dorp geheeten ts(er)aers kercke d(aer)aff de selve gebrued(er)s/ hebben hue(re)r beyder leefdage lanck hue(r) tocht ende/ de welke v(er)pacht zijn bij cornelijse wissonis der selv(er)/ gebruede(re)n oem ende brued(er) des voirs(creven) wijlen meest(er)s/ rogiers jairlijcx om ende voe(r) vijff rinsguld(en) It(em)/ noch hue(re)r beyder tocht van eene(n) huyse gelegen/ inde hoelstrate tusschen thuys geheeten den pellicaen/ t(er) eenre ende derve wout(er)s vand(en) broecke t(er)/ ande(re) opden co(m)mer ende last uuyten selven huyse/ gaende ende voirts noch alle ande(r) goed(en) chijsen/ rinten lijfpen(sien) scatsculden en(de) gereede goede oft pe(n)ni(n)gen/ d(aer)inne de selve kinde(re) voirs(creven) bij crachte vand(en) voirs(creven)/ testame(n)te oft and(er)ss(ins) e(n)nichss(ins) gericht souden moegen/ zijn hoedanich die zijn wair ende tot wat/ plaetssen die gelegen sijn oft bevonden souden/ moegen wordden het zij bynnen lants oft buten/ lants It(em) den voirs(creven) pete(re)n wissonis es alnoch/ voir hem alleene bleven ende gevallen de voirs(creven)/ and(er) hellicht vand(en) voirs(creven) xii rinsgulden(en) lijfpen(sien)/ aen ende op de stad van loeven(e) met sulck(er)/ condicien nochtan dat de selve twee gebrued(er)s/ tvoirs(creven) godsh(uys) van tsh(er)togendale ende hue(r) ae(n)gedeelte/ voirs(creven) tot euwigen daigen los quijt en(de) vry houde(n)/ ende ontheffen sulle(n) van allen alsulken sculden/ die de voirs(creven) wijlen meest(er) rogier e(n)nichss(ins) sculdich/ en(de) belanc mocht wesen in e(n)nig(er) manie(re)n al sonder/ fraude ende argelist hancquoq(ue) et sat(is) [renu(n)tian(s)] p(ro)ut cor(am)/ h(er)meys borch decembr(is) xxiii