Item lijsbeth wape(n)makers wijlen marte meest(er)s/ thoemaes wijle(n) vand(en) kerchove cureyt als hij leefde/ van asten in p(rese)ntia heeft gekint en(de) gelijt gehaven/ en(de) ontfangen te hebben van he(re)n yweyne van hese/ prieste(r) en(de) ja(n)ne gheerits die met he(re)n giel(ise) van cortbeke/ geheeten de mu(n)te(re) prieste(r) executeurs wae(re)n vand(en) testa(men)[te]/ en(de) ut(er)sten wille des voirs(creven) wijlen meest(er)s thomaes/ de so(m)me van veertich rinsg(ulden) te xx stuv(er)s tstuck alse/ voe(r) hue(r) vijfste gedeelte vand(en) acht mudde(n) rogs/ erff(elijc) d(aer) op de voirs(creven) h(er) weyn en(de) jan gheerits als/ p(ro)cur(eur)s d(aer)toe volcomelijc gemechticht oct(obris) qui(n)ta a(nn)[o] xcv/ bijd(en) kinde(re)n desselfs wijle(n) meest(er)s thomaes en(de) lijsbethe(n)/ wape(n)makers erffel(ijc) uutgegeven hebben ja(n)ne van berkele/ / de goede naebescreven boven de co(m)me(re)n d(aer) te voe(re)n uut/ gaende staende elc mudde d(aer)aff ter quiti(n)gen met/ xxv rinsg(ulden) te xx stuv(er)s tstuc den gouden gulden(en)/ ge(re)kent voe(r) xxviii stuv(er)s en(de) alle ande(r) pe(n)ni(n)gen nae/ advena(n)t Te weten(e) alsulken huysingen metten hove/ boeg(ar)den beempden eeussele(n) ende allen den toebehoirte(n)/ alse de selve wijlen meest(er) thomaes nae hem gelaten/ heeft gelegen tot asten voirs(creven) Mits welken so(m)men/ van veertich rinsgulden(en) voirs(creven) de selve lijsbeth/ wapenmakers heur bekint heeft alse voe(r) dafqui/ tinghe van hue(re)n vijfsten deele d(er) acht mudden core(n)s/ erfp(acht) voirs(creven) en(de) oic van allen acht(er)stellen die d(aer)aff/ zind(er)t gevallen moegen zijn heur compete(re)nde volc(omen)/ voldaen te zijne Bekynnende huer inde selve acht/ mudden cor(ens) erfp(acht) voirs(creven) noch oic in e(n)nige pachten/ die d(aer)af voirtaene sullen moegen vallen egheen/ recht actie noch gedeelte meer te hebben noch te/ behouden in e(n)nig(er) manie(re)n Scelden(de) d(aer)om de selve/ lijsbeth volcomel(ijc) quijte den voirs(creven) he(re)n yweyne/ en(de) ja(n)ne gherits ende oic den voirs(creven) ja(n)ne van berkele/ coep(er)e der goeden voirs(creven) ende alle ande(re) des quitanc(ie)/ behoeven(de) vand(en) selven hue(re)n vijfsten deele der voirs(creven)/ acht mudden corens erfp(acht) ov(er)mits der so(m)men van pe(n)ni(n)gen/ voirs(creven) Promitt(ens) null(atenus) alloqui sed sat(isfacere) et war(andizare) erga/ quoscu(m)q(ue) prout cor(am) borch baets febr(uarii) ix[a]