Item gielijs eveloege baudewijn bellens jan/ driedoens ende jan van hove alle vie(r) alsnu/ gesworen(en) boden der stadt van loeven(en) hebben/ malcande(re)n geloeft en(de) toegeseet en(de) mits desen/ geloven ende toeseggen oft gebuert dat deen/ van hen vie(re)n ov(er)mits den state en(de) att(er)mi(n)acien/ vand(er) stadt van loeven(en) afgestelt wordde van zijne(n)/ dienste dat dande(r) die van hen inden dienste bliven(de)/ en(de) niet afgestelt zijnde den vierden alsoe aff/ gestelt zijnde van weeken te weeken dan voirt/ aene geven uutreycken ende betalen sullen tot/ zijnd(er) sustentacie(n) behoeff en(de) zijn ond(er)houden te/ weten(e) elc van hen drien alsoe blivende twee/ / stuv(er)s alsoe lange als zij ende elck van hen de selve/ officie exerce(re)n ende bedienen sullen t(am)q(uam) ass(ecu)[tu(m)] Met/ conditie(n) nochtan soe wa(n)neer de selve drie aenblivende/ oft yema(n)t van hen aflivich oft oic afgesedt wordd(en)/ vand(en) selve(n) hue(re)n dienste dat die aflivige oft alsoe/ afgestelde en(de) zijn nac(omelingen) van dien tijde voirtane d(aer)aff/ ongehouden sullen zijn ende bliven Behoudel(ijc) dien oick/ soe wa(n)neer de ghene van hen vie(re)n die alsnu ov(er)mits/ der voirs(creven) att(er)mi(n)acien oft state afgestelt soude moegen wordden/ aflivich wort dat dande(r) drie ende elc van hen alsdan/ t(er) stont des(er) niet tegenstaen(de) vanden tijde vand(er)/ aflivich(eit) voirtane van des(er) ongehouden sulle(n) bliven/ Ende hebben voirts malcande(re)n geloeft oft namaels/ gebuerde nae dat deen van hen vie(re)n voirs(creven) aldus/ afgestelt wae(r) dat naemaels noch een ande(r) vreemde/ vierde bode hen noch toegevueght en(de) aengestelt wordde/ inder selv(er) officien dat van dan voirtaene de selve drie/ boden die nu aen bliven sullen den selven vierden bode/ die nu afgestelt sal moegen zijn geven ende betalen / sullen alle weken te weten(e) elc van hen drien eene(n)/ stuv(er) opde manie(r) voirs(creven) ende d(aer) mede gestaen ende/ es vorw(er)de dat elc van hen drien die aenbliven sullen/ gestaen sal met zijne(n) p(ar)te indes(er) sond(er) voird(er) gepraemt/ oft belast te zijne cor(am) buets(ele) vynck febr(uarii) xvii