Vand(er) q(ue)stien gecomen en(de) geresen tusschen henr(icke) van com/ pe(n)rode inden name en(de) als man en(de) mo(m)boir van ka(tlij)[nen]/ knoeps sijnd(er) huysvr(ouwe) t(er) eenre en(de) ja(n)ne van thienen/ ierst voe(r) meye(r) en(de) scepen(en) en(de) d(aer)nae bijd(er) stadt uut/ dien dat deselve scepen(en) de sake en(de) p(ar)tien gestelt hadd(en)/ bijd(en) rade vand(er) stadt Ald(aer) de vors(creven) henr(ic) verhalen(de)/ bij zijne(n) voorspreke zijn materie heeft doen segghen/ hoe dat hij t(er) causen van seke(re)n erfrinten van lxiii/ st(uvers) erff(elijc) in vorleden(en) tijden hadde doe(n) uutdaigen/ een seke(r) woni(n)ge metten toebehorten gelegen inde/ scrij(n)strate uut gebreke vand(er) betalingen vand(er)/ vors(creven) erfrinten hem des gedragen(de) totten uutdagen/ d(aer)aff zijnde vand(er) daet [vacat] Seggen(de)/ / vorts hoe dat jan van thiene(n) t(er) selv(er) tijt aen hem comen was be/ ge(re)nde dat hij henr(icke) de selve woeni(n)ge woude uutdaigen hoe/ wel die den selven janne van thiene(n) toebehoiren(de) was en(de)/ uutgedaight sijnde en(de) den jonge(re)n co(m)mer v(er)smolten hij was/ de ghene die deselve woeni(n)ge wed(er)om innemen soude/ en(de) r(e)pare(re)n van nieuw(er) ty(m)meri(n)g(en) alsoe dat genoech soude/ mogen wesen Item dat hij acht(er)volgen(de) dien als voe(r) de vors(creven)/ woeni(n)ge uutgedaigt heeft en(de) de vors(creven) jan van thiene(n) d(aer)toe/ voe(re)n zeke(r) seke(r) afbreki(n)g(en) vand(er) ty(m)meringen vand(er) selv(er)/ woeni(n)gen gedae(n) en(de) te he(m)w(er)ts genome(n) hadde dwelck nae/ seke(r) ordina(n)c(ien) vand(er) stad daer hijs hem toe gedroech niet wes(en)/ en mochte (et)c(etera) Hoepen(de) soe v(er)re jan van thienen bekinde tge/ ne des vors(creven) is bij hem alsoe gesciet te zijne dat hij sculd(ich)/ soude zijn dit huys en(de) woenstat taenveerden en(de) te be/ ti(m)me(re)n alsoe dat hem genoech soude mogen wesen naede/ voirwoirden en(de) geluften die tusschen hen beyden d(aer)aff/ gebuert wae(re)n ende oft hij des ontkinde des hij hoopte/ neen soe woude hij hem dat gheven tot zijnd(er) eedt/ oft selve houden dat de vors(creven) co(n)ve(n)tien en(de) geluften alsoe gebuert/ wae(re)n D(aer)tegen de vors(creven) jan van thienen ontki(n)nende tvor/ nemen des vors(creven) he(n)ricx heeft geseet dat hij ae(n)nam den ge/ deylden eedt en(de) was bereet d(aer)aff sijn ontschout te doene va(n)/ tgene des sijn vors(creven) p(ar)tie dien ae(n)gaen(de) hem opleggen(de) was/ seggen(de) t(er) justificatien van dien dat hij de vors(creven) erve naden/ uutdagen(en) noyt ae(n)veeert noch gehantplicht en hadde noch/ oick den oude(re)n chijs betaelt dan den chijs des vors(creven) he(n)ricx/ mair deselve henr(ic) hadde dien chijs betaelt hadde oick de/ selve henr(ic) den vors(creven) gront gebruyct soe hij seyt in die(n) dat/ hij dair seke(r) onreynicheyt van seke(re)n heymelichheid(en) hadde/ laten liggen met meer ande(re)n reden(en) in dien dienen(de) con/ clude(re)nde alsoe t(er) co(n)trarie(n) Es geappoi(n)teert en(de) uutge/ sproken den vors(creven) p(ar)tien int lange in hue(re)n vornemen(en) en(de)/ effecte als voe(r) gehort sijnde vor recht dat in also v(er)re/ de vors(creven) jan den vors(creven) gedeylden eedt bij he(m) ae(n)genome(n)/ / dede ind(er) maten sijn wed(er)p(ar)tie hem dien gedeylt ende opge/ leet hadde alsoe dat genoech soude mog(en) sijn en(de) sijn ontschout/ in die(n) dat hij d(er) ae(n)spraken en(de) conclusien van sijnd(er) wed(er)p(ar)/ tien ongehouden soude wesen Behalve(n) dat deselve jan/ van thienen vand(er) afgebroken(en) t(ym)meri(n)gen en(de) des hij/ and(er)ssins van thiechelen en(de) steenen vand(en) vors(creven) gronde d(aer)/ questie aff es gehadt heeft en(de) te he(m)werts genome(n) soude/ mogen hebben sal moten oprichten en(de) restitue(re)n de(n) selve(n)/ henr(icke) ten prijse en(de) estimatie(n) van ti(m)merlieden en(de) ande(r)/ die d(aer)aff mogen weten te spreken he(m) des v(er)staende ap(ri)l(is)/ septi(m)a