It(em) want dese xv stuv(er)s erflic afgequijt zijn ende/ de voirs(creven) goede der arme(n) voirs(creven) van dien gelost en(de)/ gefiniert met zeke(re)n pe(n)ni(n)gen die comen zijn uuyt/ handen vanden mo(m)boirs vanden nakinde(re)n henr(ix)/ wijlen van vlaende(re)n die hij acht(er) gelaten heeft/ / van margriete(n) van ghijsele zijne(n) lesten wive die nu/ getrout heeft den voirs(creven) willem(me) vand(er) dijlen als voir/ huer vie(re)ndeel van alsulken zesse rinsgulden(en) erffelijck/ lichts gelts alse zij te hue(re)n deele uuyt crachte van/ desselfs henrix vad(er)s testame(n)te sculdich zijn geweest/ te dragen Soe es vorweerde dat dese(n) selve(n) lesten/ kinde(re)n dese lossinghe van vijfthien stuv(er)s en(de) leveri(n)ge/ van pe(n)ni(n)gen d(aer)toe gesciet den selve(n) kinde(re)n gercort/ zullen moten wordden ende afslach maken aen tselve/ hue(r) p(ar)t en(de) last vande(n) selve(n) testame(n)te in dien cor(am)/ eisd(em)