Vand(er) questien gecomen inde banck voe(r) meye(r) ende/ scepen(en) tusschen janne zeg(er)s aenlegge(r) t(er) eenre ende/ reyne(re)n machiels verweerde(r) t(er) ande(re) als van zeke(r)/ quetsue(re)n die de voirs(creven) reyne(r) janne voirs(creven) gedaen en(de)/ gegeve(n) soude hebben tot libbeke soe hij te kenne(n)/ gaff opde plaetsse voe(r) de tav(er)ne aldair d(air)aff de/ voirs(creven) jan versocht dat hij hem afdoen soude den/ cyrurgijn ende oic medecijn bezund(er)t den voirs(creven)/ cyrurgijn te weten(e) meest(ere)n henr(icke) [vacat] den welken/ hij hadde mote(n) gelove(n) ende toeseggen acht rinsguld(en)/ dair voe(r) hij jan reyne(re)n alhier hadde doen hachte(n) hopen(de)/ dat hem dat gebue(re)n soude Dairtegen de voirs(creven)/ reyne(r) hem verwonde(re)nde vand(er) voirs(creven) aenspraken/ seydt dat die met vreemder manieren gebuerde/ in dien dat de voirs(creven) jan egheen bet(er)nisse mede en/ eyschste vand(en) selve(n) quetsue(re)n and(er)s dan va(n) medicijne/ ende cyrurgijne dwelc noit niet vele gesien/ en hadde geweest men en eyschste deen metten ande(re)n/ en woude nochtan niet ontkinnen hij en hadde/ hem verwe(re)ns lijfs gequest p(rese)nte(re)nde hem nae gelegenth(eit)/ der selv(er) quetsue(re)n die bevonden en(de) gedeclareert/ zijnde bij meesters als dat behoirde nade(n) lantrechte/ ende des(er) stadt rechte te bete(re)n P(ro)teste(re)nde oick/ van zijnd(er) reco(n)ventien van des de voirs(creven) jan hem/ oic gequest hadde soe hij seyde o(n)verlet te staene/ want in verweerd(er)s stat hij egheen(en) aensprake/ doen en mochte p(rese)nte(re)de voir alle vo(n)niss(en) hem/ vanden voirs(creven) zijne(n) eyssche te voldoene met/ van des de voirs(creven) jan geloeft mocht hebben/ aen zijnen cyrurgijn oft medecijn mair des met/ gelijcken cyrurgijnen ende andere hen des verstaende/ bevonden soude moege(n) wordden als dat costumelijck/ es dat zij nae gelegenth(eit) vand(er) quetsue(re)n ende/ anderss(ins) verdient soude moegen hebben hopende/ / dairmede te gestaene in wed(er)sijde(n) replice(re)nde ende/ duplice(re)nde elc tot zijnd(er) meyni(n)gen ende effecte als/ voe(r) Es gewesen ter manissen smeyers bijden scepenen/ dat de voirs(creven) verwerde(r) metten voldoene van zijnd(er)/ p(rese)ntatien voirs(creven) gestaen sal in scampno cor(am) h(er)meys/ tymple borch ut(er) hellicht aprilis xv